07.09.2026 | 23:24
Հայկական պտուղ-բանջարեղենի արտահանումը ԱՄԷ․ Պապոյանը քննարկել է ծավալների ավելացումը
Իսրայելի ՊՆ ղեկավարը Իրանի հոգևոր առաջնորդին «վախկոտ» է անվանել
Քաղաքականություն
19.06.2025 | 13:30
Իսրայելի պաշտպանության նախարար Իսրայել Կացը հայտարարել է, որ Իրանի գերագույն հոգևոր առաջնորդ Ալի Խամենեին «պատասխանատվության կենթարկվի» իր «ռազմական հանցագործությունների» համար։ «Իրանցի վախկոտ բռնապետը նստած է ամրացված բունկերի խորքում և դիտավորյալ հարձակումներ է իրականացնում Իսրայելի հիվանդանոցների և բնակելի շենքերի վրա»,- ասել է նա՝ հայտարարելով․ «Սրանք ամենավատ տեսակի պատերազմական հանցագործություններ են, և Խամենեին պատասխանատվություն կկրի իր հանցագործությունների համար»։
Կացը նաև հայտարարել է, որ ինքը և վարչապետ Բենիամին Նեթանյահուն «հրահանգել են Իսրայելի պաշտպանության բանակին ինտենսիվացնել հարվածները Իրանում ռազմավարական թիրախների և Թեհրանում կառավարության հետ կապված թիրախների դեմ՝ Իսրայելի պետությանը սպառնացող վտանգները վերացնելու և այաթոլլայի ռեժիմը անկայունացնելու համար»։
«Մենք Թեհրանի բռնապետներին կստիպենք վճարել ամբողջ գինը»,- X-ի իր միկրոբլոգում գրել է Իսրայելի վարչապետ Բենիամին Նեթանյահուն իսրայելական հիվանադոցին ու մի շարք քաղաքներին հասցված հարվածներից հետո։
Վերջին տվյալներով՝ Իսրայելում Իրանի հրթիռային հարձակման հետևանքով 65 մարդ է վիրավորվել։ Իսրայելի Ազգային բժշկական ծառայության տվյալներով՝ երեք մարդ, այդ թվում՝ 80-ամյա մի տղամարդ, գտնվում է ծանր վիճակում։ Սորոկա հիվանդանոցին հրթիռի հարվածից վիրավորվել է առնվազն 32 մարդ։
Թարգմանությունը՝ Էմմա Չոբանյանի
