21.06.2026 | 22:09
ԱԱ-2026. Իսպանիան հաղթեց խոշոր հաշվով. ՏԵՍԱՆՅՈՒԹ
Թրամփը հաստատել է Իրանին հարվածելու ԱՄՆ-ի ծրագիրը, բայց դեռ վերջնական հրաման չի տվել.WSJ
Քաղաքականություն
19.06.2025 | 13:50
ԱՄՆ նախագահ Դոնալդ Թրամփը երեքշաբթի ուշ երեկոյան իր ավագ օգնականներին ասել է, որ հավանություն է տվել Իրանի վրա հարձակման ծրագրին, սակայն հետաձգել է՝ տեսնելու արդյոք Թեհրանը կհրաժարվի իր միջուկային ծրագրից։ Այս մասին The Wall Street Journal-ին ասել են քննարկումներին ծանոթ անձինք:
Նշվում է, որ Ֆորդոյում գտնվող խիստ պաշտպանված ուրանի հարստացման կենտրոնը ԱՄՆ-ի հնարավոր թիրախն է. այն տեղակայված է լեռան տակ,և ռազմական փորձագետների գնահատմամբ այն կարող են խոցել միայն ամենահզոր ռումբերը։
Հարցին, թե արդյոք որոշել է հարվածել Իրանի միջուկային օբյեկտներին, Թրամփը պատասխանել է. «Ես կարող եմ դա անել, կարող եմ՝ ոչ»։ Եվ նա կրկնել է Իրանի անվերապահ կապիտուլյացիայի վերաբերյալ իր պնդումը. «Հաջորդ շաբաթը շատ կարևոր է լինելու, գուցե մեկ շաբաթից էլ պակաս»։
Իրանի գերագույն հոգևոր առաջնորդ այաթոլլա Ալի Խամենեին էլ ավելի վաղ հայտարարել էր, որ իր երկիրը չի հանձնվի և զգուշացրել էր, որ «ԱՄՆ-ի ցանկացած ռազմական միջամտություն կհանգեցնի անդառնալի հետևանքների»։
Լրատվամիջոցը գրում է, որ վերջին օրերին ԱՄՆ-ն զինուժն է կենտրոնացնում Մերձավոր Արևելքում: Թեև Պենտագոնը հայտարարել է, որ ռազմական հզորության ավելացումը զուտ պաշտպանական նպատակով է, այն ավելի լավ դիրք կտա ԱՄՆ-ին, եթե Թրամփը որոշի հարվածել Իրանին: Դա կարող է նաև լինել Իրանին ճնշելու մարտավարություն՝ կապիտուլյացիայի ենթարկելու կամ զիջումների մղելու համար:
Թարգմանությունը՝ Էմմա Չոբանյանի
