07.09.2026 | 23:24
Հայկական պտուղ-բանջարեղենի արտահանումը ԱՄԷ․ Պապոյանը քննարկել է ծավալների ավելացումը
Թրամփը Ռուսաստանին և Ուկրաինային անվանել է «հիմարներ»
Քաղաքականություն
18.06.2025 | 21:04
ԱՄՆ նախագահ Դոնալդ Թրամփը հայտարարել է, որ դեռևս հետաքրքրված չէ Ռուսաստանի նախագահ Վլադիմիր Պուտինի առաջարկով՝ օգնելու իրանական հակամարտության կարգավորմանը։
«Ես երեկ խոսել եմ նրա հետ։ Գիտեք, նա իրականում առաջարկել է օգնել միջնորդության հարցում։ Ես ասացի՝ լավություն արեք, եկեք սկզբում զբաղվենք Ռուսաստանով»,- ասել է նա։
Թրամփը Ռուսաստանին և Ուկրաինային անվանել է «հիմարներ» և կրկնել, որ Ուկրաինայում հակամարտությունը երբեք տեղի չէր ունենա, «եթե ինքը նախագահ լիներ»։
Կրեմլն առայժմ չի հայտնել Պուտինի և Թրամփի միջև նոր հեռախոսազրույցի մասին։
Հունիսի 14-ին Մոսկվան և Վաշինգտոնը հայտնել էին, որ Պուտինը և Թրամփը հեռախոսազրույցի ընթացքում քննարկել են Մերձավոր Արևելքում իրավիճակի սրումը։ «Զրույցը տևել է մոտ մեկ ժամ, ավելի ճշգրիտ՝ 50 րոպե, բովանդակային էր, անկեղծ և ամենակարևորը՝ շատ օգտակար» ,- ասել էր Պուտինի օգնական Յուրի Ուշակովը։
Շաբաթ օրը Թրամփը Truth Social-ում գրել է. «Պուտինը զանգահարել է ինձ այսօր առավոտյան՝ շատ գեղեցիկ շնորհավորելու ծննդյանս առթիվ, բայց ավելի կարևորը՝ խոսելու Իրանի մասին, որին նա շատ լավ գիտի»։ ԱՄՆ նախագահը նշել էր, որ Ուկրաինայի քննարկման համար շատ ավելի քիչ ժամանակ էր ծախսվել։
Թարգմանությունը`Էմմա Չոբանյանի
