23.04.2026 | 16:10
Ինչի՞ ա դժվար խոստովանել, որ մենք ինչ-որ բան չգիտենք. Փաշինյան․ ՏԵՍԱՆՅՈՒԹ
Իսրայելը սպառնում է՝ Ալի Խամենեին կարող է արժանանալ Սադամ Հուսեյնի ճակատագրին
Քաղաքականություն
17.06.2025 | 16:50
Իսրայելի պաշտպանության նախարար Իսրայել Կացը այսօր առավոտյան բանակի բարձրաստիճան պաշտոնյաների հետ հանդիպման ժամանակ հայտարարել է, որ Իրանի գերագույն հոգևոր առաջնորդ Ալի Խամենեին կարող է արժանանալ «Սադամ Հուսեյնի նման ճակատագրի», գրում է The Times of Israel-ը։
«Ես զգուշացնում եմ իրանցի բռնապետին չշարունակել ռազմական հանցագործություններ կատարելը և հրթիռներ արձակել իսրայելցի քաղաքացիական անձանց վրա։ Նա լավ կանի՝ հիշի Իրանի հարևան երկրում այն բռնապետի ճակատագիրը, որը նույն ուղին ընտրեց Իսրայել պետության դեմ», – ասել է Կացը՝ նկատի ունենալով Սադամ Հուսեյնին, որի ռեժիմը տապալվեց 2003 թվականին Իրաքի դեմ ԱՄՆ ներխուժման ժամանակ։ Ավելի ուշ նրան կախաղան բարձրացրեցին։
Կացը հիշեցնելով Իսրայելի կողմից մեկ օր առաջ Թեհրանում Իրանի պետական հեռարձակողի IRIB-ի գլխավոր գրասենյակին հարվածի մասին՝ նշել է, որ կարող են թիրախավորվել նաև Իրանի քաղաքացիական ռեժիմի կառավարման այլ կառույցները։
«Մենք այսօր էլ կշարունակենք գործել Թեհրանում ռեժիմի և ռազմական թիրախների դեմ, ինչպես երեկ արեցինք քարոզչության և հրահրման հեռարձակման մարմնի դեմ», – ասել է նա՝ հավելելով․
«Ես կոչ եմ անում Թեհրանի բնակիչներին լքել այդ տարածքները՝ համաձայն Իսրայելի պաշտպանության բանակի խոսնակի պարսկերեն լեզվով հրահանգների՝ իրենց սեփական անվտանգության համար»։
Հիշեցնենք, որ նախօրեին էլ Իսրայելի վարչապետ Բենիամին Նեթանյահուն հայտարարել էր, Ալի Խամենեիի սպանությունը «կավարտի հակամարտությունը» երկու երկրների միջև։
Թարգմանությունը՝ Էմմա Չոբանյանի
