16.07.2026 | 23:29
Հետաքննությունը պարզել է, որ Ալիևի թոռներն անօրինական կերպով օգտագործում են պաշտոնական լիմուզիններն և անվտանգության մեքենաները
Թրամփը հայտարարել է, որ չի դիմել Իրանին խաղաղության բանակցությունների համար
Քաղաքականություն
17.06.2025 | 14:57
ԱՄՆ նախագահ Դոնալդ Թրամփը TruthSocial սոցիալական ցանցում գրել է, որ ինքը չի դիմել Իրանի իշխանություններին՝ հրադադարի շուրջ բանակցությունների համար, և ևս մեկ անգամ հավելել է, որ Իրանը պետք է համաձայներ միջուկային համաձայնագրի այն պայմաններին, որոնք առաջարկել են ամերիկացի ներկայացուցիչները։
«Ես որևէ կերպ կամ ձևով չեմ դիմել Իրանին խաղաղության բանակցությունների համար։ Դա ևս մեկ խիստ հորինված, կեղծ լուր է։ Եթե նրանք ուզում են խոսել, գիտեն, թե ինչպես կապվել ինձ հետ։ Նրանք պետք է ընդունեին սեղանին դրված գործարքը։ Դա շատ կյանքեր կփրկեր»,-նշել է Թրամփը։
Հիշեցնենք, որ Axios-ը, վկայակոչելով իր աղբյուրներին հայտնել էր, որ Սպիտակ տունը Իրանի հետ քննարկում է ԱՄՆ բանագնաց Սթիվ Ուիթկոֆի և Իրանի արտաքին գործերի նախարար Աբբաս Արաղչիի միջև այս շաբաթ հանդիպման հնարավորությունը։ Նպատակը կլինի քննարկել դիվանագիտական նախաձեռնությունը, որը վերաբերում է միջուկային համաձայնագրին և Իսրայելի ու Իրանի միջև պատերազմի ավարտին։
Թարգմանությունը՝ Էմմա Չոբանյանի
