04.07.2026 | 07:40
ԱԱ-2026. Հայտնի են 1/8 եզրափակիչի բոլոր զույգերը
ԱԺ քառօրյայի մեկնարկը՝ ՈՒՂԻՂ
Քաղաքականություն
17.06.2025 | 10:00
Հունիսի 17-ին գումարվող Ազգային ժողովի հերթական նիստերի օրակարգի նախագծում ընդգրկվել է 29 հարց: Խորհրդարանը կքննարկի Հայաստանի Հանրապետության 2024 թվականի պետական բյուջեի կատարման տարեկան հաշվետվությունը, որը կներկայացնի ֆինանսների նախարար Վահե Հովհաննիսյանը։ Պետական բյուջեի կատարման տարեկան հաշվետվությանը մասնակցում են նաև ՀՀ վարչապետ Նիկոլ Փաշինյանն ու նախարարները։
Այս լիագումար նիստին Գլխավոր դատախազ Աննա Վարդապետյանը կգա խորհրդարան՝ «Հայաստան» խմբակցության ղեկավար Սեյրան Օհանյանի և քարտուղար Արծվիկ Մինասյանի նկատմամբ քրեական հետապնդում հարուցելուն համաձայնություն ստանալու մասին միջնորդության քննարկմանը։
Պատգամավորները երկրորդ ընթերցմամբ կքննարկեն նաև Հայաստանի Հանրապետության հարկային օրենսգրքում լրացումներ կատարելու մասին, «Պատմության և մշակույթի անշարժ հուշարձանների ու պատմական միջավայրի պահպանության և օգտագործման մասին» օրենքում լրացումներ և փոփոխություններ կատարելու մասին, «Քաղաքաշինության մասին» օրենքում փոփոխություն կատարելու մասին, «Տեղական ինքնակառավարման մասին» օրենքում լրացում կատարելու մասին, «Գովազդի մասին» օրենքում փոփոխություն կատարելու մասին և այլ նախագծեր։
Խորհրդարանի օրակարգում են նաև Վճռաբեկ դատարանի քրեական պալատի դատավորի թեկնածուի և Սահմանադրական դատարանի դատավորի ընտրության հարցերը։
Մանրամասները՝ տեսանյութում։
