Քաղաքականություն
15.06.2025 | 14:03
Հունիսի 14-ին Վաշինգտոնում տեղի է ունեցել մեծածավալ ռազմական շքերթ՝ նվիրված ԱՄՆ բանակի 250-ամյակին, որը համընկել է նաև նախագահ Դոնալդ Թրամփի 79-ամյակի հետ։ Այդ տպավորիչ ռազմական շքերթը, որի մասին ԱՄՆ նախագահ Դոնալդ Թրամփը վաղուց էր երազում, անցկացվել է Վաշինգտոնի Սահմանադրության պողոտայում՝ զրահամեքենաների, զորքերի և 21 հրանետի ուղեկցությամբ, փոխանցում է Euronews-ը։
Ինչպես փոխանցում են տեղական լրատվամիջոցները, շքերթն անցկացվել է այն ժամանակ, երբ ողջ երկրում տեղի էին ունենում բողոքի ցույցեր՝ ընդդեմ Թրամփի։ Շքերթի ժամանակ նստած էր Սպիտակ տան հարավային հատվածում կառուցված հատուկ հանդիսատեսների տրիբունայում և հետևում էր ամերիկյան ռազմական հզորության ցուցադրմանը։
Ավելի քան 6000 զինվորների և 128 զրահամեքենաների մասնակցությամբ երթը Թրամփը փորձում էր կազմակերպել դեռ իր առաջին պաշտոնավարման ժամանակ, երբ 2017-ին տեսել էր նման շքերթ Փարիզում։ Բայց ծրագիրը իրականություն դարձավ միայն այս տարի՝ բանակի 250-ամյակի կապակցությամբ։
Շքերթից մի քանի ժամ առաջ ցույցեր են սկսվել ամբողջ երկրով մեկ՝ ընդդեմ հանրապետական նախագահ Թրամփի։ Ցուցարարները նրան քննադատում էին՝ զինված ուժերը ցուցարարների դեմ օգտագործելու, ինչպես նաև երկրի մայրաքաղաքում ռազմական ուժ ցուցադրելու համար։
Վաշինգտոնում հակապատերազմական ակտիվիստները բողոքի պաստառներ էին բարձրացրել՝ «Թռչող սարքերի փոխարեն՝ տներ» գրությամբ՝ մոտակայքում տեղադրված զրահամեքենաների, ուղղաթիռների և ռազմական տեխնիկայի ցուցադրության ֆոնին։
«No Kings» («Ոչ թագավորներին») կարգախոսով ցույցեր անցկացվել են հարյուրավոր քաղաքներում։ Կազմակերպիչներն ասում են, որ կարգախոսն ընտրել են՝ աջակցելու ժողովրդավարությանը և դեմ արտահայտվելու Թրամփի վարչակազմի ավտորիտար գործողություններին։
