06.10.2026 | 22:37
Թարմացվել է Ադրբեջանում քաղբանտարկյալների ցուցակը․ դրանում ներառված է 322 անձ
ՌԴ-ն հարվածներ է հասցրել Ուկրաինային «Իսկանդեր», «Կալիբր» և «Կինժալ» հրթիռներով
Քաղաքականություն
15.06.2025 | 13:24
Ռուսական զորքերը կիրակի գիշերը՝ հունիսի 15-ին, համակցված հարված են հասցրել Ուկրաինայի շրջաններին անօդաչու թռչող սարքերի և հրթիռների միջոցով։ Այս մասին հայտնել են Ուկրաինայի օդային ուժերը Telegram-ում։
Նրանց տվյալներով՝ ՌԴ ԶՈՒ-ն գիշերվա ընթացքում Ուկրաինայի վրա արձակել է ընդհանուր առմամբ 183 անօդաչու թռչող սարք և 11 բալիստիկ ու թևավոր հրթիռ՝ «Կինժալ», «Իսկանդեր» և «Կալիբր»։
Ուկրաինական հակաօդային պաշտպանության ուժերը խոցել են 159 դրոն, երկու «Կինժալ» հրթիռ, չորս «Իսկանդեր-Կ»-ից երեքը և չորս «Կալիբր»-ից երեքը։
Հիմնական վնասը հասցվել է Պոլտավայի մարզի Կրեմենչուգ քաղաքին, նշված է Ուկրաինայի ԶՈւ հաղորդագրությունում։ Մարզային ռազմական վարչակազմը Telegram-ում հայտնել է, որ վիրավորներ չկան, վնասվել են էներգետիկ ենթակառուցվածքներ և գյուղատնտեսական օբյեկտներ։ Վնասվել են նաև բնակելի տուն, ավտոմեքենա և էլեկտրահաղորդման գիծ։ Տեղի են ունեցել մի քանի հրդեհներ, որոնք մարվել են։
Կրեմենչուգի մոտ գտնվող Չուտովո գյուղում ԱԹՍ-ի բեկորների անկման հետևանքով վնասվել են բնակելի տներ և մեքենաներ։ Վիրավորներ չկան։
