Քաղաքականություն
15.06.2025 | 12:58
Իսրայելի բանակը կոչ է արել ռազմական և միջուկային օբյեկտներին մոտ գտնվող իրանցիներին տարհանվել․ «Պետք է անհապաղ լքել տարածքը և չվերադառնալ մինչև հետագա ծանուցումը: Այդ օբյեկտների մոտ մնալը վտանգում է ձեր կյանքը»։
Նախազգուշացումը ֆարսի լեզվով հրապարակել է Իսրայելի պաշտպանական բանակի (ՑԱՀԱԼ) խոսնակ Ավիճայ Ադրային X-ում։
Ադրային նախկինում էլ ազդարարել է ՑԱՀԱԼ-ի հարվածների մասին Գազայի հատվածում, Լիբանանում և Եմենում՝ ՀԱՄԱՍ-ի դեմ Իսրայելի պատերազմի շրջանակում։
Նրա նախազգուշացումը հնչել է անմիջապես այն բանից հետո, երբ Իրանի արտգործնախարար Աբբաս Արաղչին հայտարարել է, որ Թեհրանը կդադարեցնի հարվածները Իսրայելի ուղղությամբ, եթե Իսրայելը դադարեցնի իր հարվածները։
Իրանի ԱԳՆ-ում նաև հայտնել են, որ պատրաստ են ստորագրել այնպիսի համաձայնագիր, որը երաշխավորում է միջուկային զենքի բացակայությունը։
This is the message we spread to Iranian citizens. While Iran chooses to strike without warning, we choose to warn a innocent people even if it means giving up the element of surprise.
We warn them, in Persian, across many channels.Because human life comes first to us. That’s… https://t.co/ThgdrKMpSx
— Israel Defense Forces (@IDF) June 15, 2025
