06.10.2026 | 21:45
Հայկ Սարգսյանը և Ավետիք Օրդյանը հեռացվել են «Քաղաքացիական պայմանագիր» կուսակցությունից
Թրամփը հայտնել է՝ ինչ կլինի, եթե Իրանը որոշի ԱՄՆ-ի վրա հարձակվել
Քաղաքականություն
15.06.2025 | 10:30
Միացյալ Նահանգները որևէ կապ չի ունեցել հունիսի 15-ի գիշերը Իրանին հասցված հարվածների հետ, բայց կպատասխանի Թեհրանին Միացյալ Նահանգների վրա հարձակման դեպքում։ Այս մասին հայտարարել է Սպիտակ տան ղեկավար Դոնալդ Թրամփն իր Truth Social-ում։
«Եթե Իրանն ինչ-որ կերպ մեզ վրա հարձակվի, ԱՄՆ զինված ուժերի ամբողջ ուժն ու հզորությունը վրա կհասնեն ձեզ աննախադեպ մակարդակներով։ Այնուամենայնիվ, մենք կարող ենք հեշտությամբ գործարք կնքել Իրանի և Իսրայելի միջև և վերջ դնել այս արյունալի հակամարտությանը», – ասել է Թրամփը։
ԱՄՆ նախագահը կարծում է, որ կկարողանա «հեշտությամբ» համաձայնության հասնել Իրանի և Իսրայելի միջև, սակայն Դոնալդ Թրամփը չի նշել հակամարտության ավարտի հնարավոր ժամկետները։
Հիշեցնենք՝ Իսրայելն այս գիշեր Իրանի վրա զանգվածային հարձակում է սկսել՝ վնասելով երկու նավթի պահեստարաններ, ինչից հետո Թեհրանում խոշոր հրդեհներ էին բռնկվել։ Իրանը պատասխանեց՝ Իսրայելի ուղղությամբ հրթիռների և անօդաչու թռչող սարքերի երեք ալիք արձակելով։
Հրթիռակոծության հետևանքով զոհվել է ութ մարդ, վիրավորվել՝ ավելի քան 200-ը։ Փոխադարձ հարձակումները շարունակվել են:
