12.03.2026 | 12:36
Հայ գեղասահորդները կմասնակցեն աշխարհի առաջնությանը
Գեներալ Մուսավին նշանակվել է ԻՀՊԿ-ի ավիատիեզերական ուժերի նոր հրամանատար
Քաղաքականություն
14.06.2025 | 15:43
Իրանի գերագույն գլխավոր հրամանատար այաթոլլահ Սեյեդ Ալի Խամենեին բրիգադի գեներալ Սեյեդ Մաջիդ Մուսավիին նշանակել է ԻՀՊԿ-ի ավիատիեզերական ուժերի նոր հրամանատար․ գրում են իրանական ԶԼՄ-ները։
Ուրբաթ օրը ԻՀՊԿ-ի գեներալ-մայոր Ամիր Ալի Հաջիզադեի նահատակությունից հետո, այաթոլլահ Խամենեին շաբաթ օրը հրամանագիր է ստորագրել Մուսավիին ԻՀՊԿ-ի ավիատիեզերական ուժերի հրամանատար նշանակելու մասին։
Նշվում է, որ Հաջիզադեն երեկ Իսրայելի ահաբեկչական ագրեսիայի ժամանակ սպանված իրանցի բարձրաստիճան գեներալներից մեկն էր։
Հիշեցնենք, որ Իսրայելը հունիսի 13-ի վաղ առավոտյան հարձակվել է Իրանի վրա։ Հարվածների ժամանակ նահատակվել են Իրանի զինված ուժերի շտաբի պետ, գեներալ-մայոր Մոհամմադ Հոսեյն Բաքերին, Իսլամական հեղափոխության պահապանների կորպուսի հրամանատար, գեներալ-մայոր Հոսեյն Սալամին, Իրանի «Խաթամ ալ-Անբիա» կենտրոնական շտաբի հրամանատար, գեներալ-մայոր Ղոլամ Ալի Ռաշիդը, ԻՀՊԿ-ի ավիատիեզերական ուժերի հրամանատար, գեներալ-մայոր Ամիր Ալի Հաջիզադեն և առնվազն վեց իրանցի միջուկային գիտնականներ։ Մահացել է Իրանի 78 քաղաքացի, վիրավորվել 320-ը։
Իրանն ի պատասխան հրթիռային երեք հարձակում է գործել Իսրայելի վրա։ Իսրայելը հայտնել է 4 զոհի և 70-ից ավելի վիրավորների մասին, ինչպես նաև Թել Ավիվում ու Ռամաթ Գանում ավերածությունների ու շինությունների փլուզումների մասին։ Նշվում է, որ փլատակների տակ մարդիկ կան։
Թարգմանությունը՝ Անահիտ Խաչատրյանի
