05.09.2026 | 22:55
«Ինտերը» 0:2-ից հետո կամային հաղթանակ է տարել «Նապոլիի» նկատմամբ. ՏԵՍԱՆՅՈՒԹ
Քաղաքացիական պատերազմի վտանգ Հայաստանում չեմ տեսնում, որքան էլ ոմանք փորձեն վախեցնել դրանով. Բաբայան․ ՏԵՍԱՆՅՈՒԹ
Հաղորդաշարեր
14.06.2025 | 19:00
«Հայաստանում իշխանություն-եկեղեցի կոնֆլիկտն արագ լուծում կստանա, երբ բանակցություններ լինեն ընդհանուր բազայի, սկզբունքի շուրջ, իսկ դա Սահմանադրությունն է, դա մի քանի աստիճանով կիջեցնի «եռման» վիճակը, իսկ ճիշտը միմյանց գործերին չխառնվելն է»,-Factor TV-ի հետ զրույցում տեսակետ է հայտնում Երևանի ազգային տիկնիկային թատրոնի գեղարվեստական ղեկավար Ռուբեն Բաբայանը:
Նրա խոսքով` կարևոր չէ` ով է առաջինը սկսել առճակատումը, կարևորն այն է, թե ով կդադարեցնի և հետ կկանգնի դրանից:
Հարցին, թե տեսնում է արդյոք քաղաքացիական պատերազմի վտանգ, Բաբայանը պատասխանում է. «Քաղաքացիական պատերազմի վտանգ ոչ, չեմ տեսնում, որքան էլ ոմանք փորձեն վախեցնել դրանով: Կարծում եմ`կողմերը կունենան խոհեմություն դա թույլ չտալու, և առաջին հերթին ժողովուրդը դա թույլ չի տա»:
Իսկ հարցին, թե պետություն-եկեղեցի հակամարտության ֆոնին մտավորականները կարո՞ղ են սաստող խոսք ասել և համախմբող դեր կատարել, Բաբայանը պատասխանում է. «Քաղաքական ուժերը ոչ այնքան սպասում են քո` մտավորականի խոսքին, որքան որ այդ խոսքը սպասարկի իրենց շահերը: Այսօր չկա այդպիսի մտավորական, որը կսաստի, և դա լավ է, քանի որ դա բնորոշ է հետամնաց համակարգին: Ամեն մարդ պետք է ինքնուրույն որոշակի եզրակացության գա, ոչ թե կուրորեն գնա որևէ հեղինակության հետևից»:
Մանրամասները` տեսանյութում:
Աննա Բաբաջանյան
