16.07.2026 | 23:29
Հետաքննությունը պարզել է, որ Ալիևի թոռներն անօրինական կերպով օգտագործում են պաշտոնական լիմուզիններն և անվտանգության մեքենաները
Ադրբեջանը կոնկրետ քայլեր է ակնկալում Հայաստանից «Զանգեզուրի միջանցքի» հարցում․ Հաջիև
Քաղաքականություն
14.06.2025 | 15:25
Ադրբեջանի նախագահի օգնական Հիքմեթ Հաջիևը դարձյալ խոսել է, այսպես կոչված, «Զանգեզուրի միջանցքից»։
Ադրբեջանը կոնկրետ գործողություններ է սպասում Հայաստանից «Զանգեզուրի միջանցքի» հարցի վերաբերյալ, որը ռազմավարական նշանակություն ունի ամբողջ տարածաշրջանի համար․ ադրբեջանական ԶԼՄ-ները մեջբերում են Հաջիևի խոսքերը։
Նշվում է, որ նա այս մասին խոսել է GLOBSEC-2025 ֆորումի շրջանակներում «Միջին միջանցք. նոր աշխարհաքաղաքական և տնտեսական կենսական գիծ» պանելային քննարկման ժամանակ։
Հաջիևը նաև ընդգծել է, որ Հայաստանի «Խաղաղության խաչմերուկ» նախաձեռնությունը չափազանց սահմանափակ և ուշացած մոտեցում է։
«Մենք ստեղծել ենք լիակատար անվտանգություն և կայունություն տարածաշրջանում։ Հայաստանը կարող է դառնալ տարածաշրջանային քննարկումների և հիմնական տրանսպորտային կապերի մաս։ Մենք բանակցություններ ենք վարում Հայաստանի հետ։ Մենք մտադրություն չունենք մարգինալացնելու կամ մեկուսացնելու տարածաշրջանում որևէ մեկին, բայց մենք նաև որոշակի ակնկալիքներ ունենք Հայաստանից», – ասել է նա։
Թարգմանությունը՝ Անահիտ Խաչատրյանի
