12.01.2026 | 23:30
Գերմանիան և Հնդկաստանն ընդլայնում են ռազմական համագործակցությունը
Իրանի հրթիռակոծության հետևանքով Իսրայելում թեթև վնասվածքներ ստացած անձինք կան, որոնք վիրավորվել են ռմբապաստարաններ փախչելու ընթացքում․ Մենդել Կորսունսկի
Քաղաքականություն
14.06.2025 | 01:19
Իսրայելում ներկայում հանգիստ է, այս պահին մենք տանն ենք, բոլորս ողջ և առողջ ենք։ Factor.am-ի հետ զրույցում վստահեցնում է Իսրայելի մշակույթի և կրթության «Նոյան տապան» հայկական կենտրոնի մամլո քարտուղար, Israrmedia հայկական տեղեկատվական պորտալի գլխավոր խմբագիր Մենդել Կորսունսկին։
«Իրականում Իսրայելում շատ լավ է գործում քաղաքացիական պաշտպանության համակարգը։ Եթե նոր վտանգ լինի, մենք նախապես տեղեկացված կլինենք այդ մասին»,- նշում է Կորսունսկին։
Ըստ նրա՝ Իրանի կողմից երեկոյան երկու հարձակում է եղել։ Մինչ այդ, առավոտյան իրանական 100 ԱԹՍ է հարձակվել Իսրայելի ուղղությամբ, որոնք բոլորը, մեր զրուցակցի խոսքով, չեն հասել թիրախներին։
«Ինչպես 2024 թվականի հոկտեմբերին՝ Իրանն Իսրայելի ուղղությամբ բալիստիկ հրթիռներ է արձակել՝ 100-200 հրթիռ, որոնք ուղղված էին ինչպես ռազմական օբյեկտներին, այնպես էլ քաղաքացիական բնակչության դեմ։ Հրթիռների մեծ մասը խոցվել է»,- նշում է Մենդել Կորսունսկին։
Նա, միաժամանակ, հայտնում է, որ հրթիռակոծության հետևանքով թեթև վնասվածքներ ստացած անձինք կան, որոնք վիրավորվել են ռմբապաստարաններ փախչելու ընթացքում։
