Իսրայելը նոր հարվածներ է հասցրել Իրանին. Ֆորդոյում միջուկային օբյեկտի մոտ երկու պայթյուն է տեղի ունեցել

Ֆորդոյում գտնվող իրանական միջուկային կենտրոնի մոտ երկու պայթյուն է լսվել: Այս մասին հաղորդում է Fars գործակալությունը։

Հաղորդվում է, որ պայթյունները տեղի են ունեցել մակերևույթի վրա, մինչդեռ միջուկային կայանը գտնվում է մի քանի հարյուր մետր խորության վրա։

Ականատեսները Associated Press-ին ասել են, որ Իրանի մայրաքաղաք Թեհրանի արևելյան, արևմտյան և կենտրոնական թաղամասերում լսել են ուժեղ պայթյունների նմանվող ձայներ, քաղաքի հյուսիսում գտնվող AP-ի լրագրողը նույնպես լսել է պայթյունի ձայն։ Իրանական պետական ​​լրատվամիջոցները դեռևս տեղեկություններ չեն տրամադրել այս զարգացումների վերաբերյալ։

NBC -ն էլ հայտնում է Թեհրանի հյուսիսում ուժեղ պայթյունների մասին, տեղական լրատվամիջոցներն էլ հաղորդում են Քոմում նոր հարձակումների մասին։

Հիշեցնենք, որ Իսրայելի ռազմաօդային ուժերը հունիսի լույս 13-ի գիշերը հարվածել են Իրանի տարածքին, որից հետո Իսրայելը փակել է իր օդային տարածքը: Իսրայելի  բանակի տվյալներով՝ հարվածները հասցվել են Իրանում միջուկային ծրագրի և այլ ռազմական օբյեկտների հետ կապված տասնյակ թիրախների։ Իսրայելական  բանակը հայտնել է, որ գիշերը հարվածներ են հասցվել Իրանում ավելի քան 100 թիրախների: Գործողությանը մասնակցել է 200 կործանիչ: Հաղորդվում է, որ զոհվել է Իրանի ԶՈՒ-ի երեք բարձրաստիճան հրամանատար, ինչպես նաև 6 միջուկային գիտնական: Իրանի «Ֆարս» լրատվական գործակալությունը հաղորդում է, որ գիշերը Իսրայելի հարվածների հետևանքով զոհվել է 78 մարդ։

Թարգմանությունը՝ Էմմա Չոբանյանի