13.01.2026 | 11:44
Խոշոր ավտովթար՝ Հերացի փողոցում․ բախվել է 4 ավտոմեքենա, կան տուժածներ
The New Times-ը հաղորդում է ԻՀՊԿ հրամանատար Էսմայիլ Քաանիի զոհվելու մասին
Քաղաքականություն
13.06.2025 | 21:53
Իսլամական հեղափոխության պահապանների կորպուսի «Քուդս» հատուկ ստորաբաժանման հրամանատար Էսմայիլ Քաանին սպանվել է Իրանին իսրայելական հարվածի ժամանակ: Այս մասին հաղորդում է The New Times-ը:
Քաանին հրամանատարի պաշտոնում փոխարինել է Ղասեմ Սոլեյմանիին, որը սպանվել է 2020 թվականին Միացյալ Նահանգների հատուկ գործողության ընթացքում:
Հիշեցնենք, որ Իսրայելի ռազմաօդային ուժերը հունիսի լույս 13-ի գիշերը հարվածել են Իրանի տարածքին, որից հետո Իսրայելը փակել է իր օդային տարածքը: Իսրայելի բանակի տվյալներով՝ հարվածները հասցվել են Իրանում միջուկային ծրագրի և այլ ռազմական օբյեկտների հետ կապված տասնյակ թիրախների։ Իսրայելական բանակը հայտնել է, որ գիշերը հարվածներ են հասցվել Իրանում ավելի քան 100 թիրախների: Գործողությանը մասնակցել է 200 կործանիչ: Հաղորդվում է, որ զոհվել է Իրանի ԶՈՒ-ի երեք բարձրաստիճան հրամանատար, ինչպես նաև 6 միջուկային գիտնական: Իրանի «Ֆարս» լրատվական գործակալությունը հաղորդում է, որ գիշերը Իսրայելի հարվածների հետևանքով զոհվել է 78 մարդ։
