06.10.2026 | 22:37
Թարմացվել է Ադրբեջանում քաղբանտարկյալների ցուցակը․ դրանում ներառված է 322 անձ
Նեթանյահուի գրասենյակը հայտնում է՝ նա այսօր հեռախոսազրույց կունենա Թրամփի և Պուտինի հետ՝ Իրանին հասցված հարվածների շուրջ
Քաղաքականություն
13.06.2025 | 19:01
Իսրայելի վարչապետ Բենիամին Նեթանյահուն այսօր կզրուցի ԱՄՆ նախագահ Դոնալդ Թրամփի, ինչպես նաև Ռուսաստանի նախագահ Վլադիմիր Պուտինի և Մեծ Բրիտանիայի վարչապետ Քիր Սթարմերի հետ, գրում է The Times of Israel-ը։
Թրամփի հետ զրույցը տեղի կունենա տեղական ժամանակով մինչև ժամը 18:00-ն, The Times of Israel-ին հայտնել է իսրայելցի պաշտոնյան։ Իսրայելի վարչապետի գրասենյակի տվյալներով՝ այսօր ավելի վաղ Նեթանյահուն զրուցել է Գերմանիայի կանցլեր Ֆրիդրիխ Մերցի և Հնդկաստանի վարչապետ Նարենդրա Մոդիի հետ։
«Առաջնորդները ցույց են տվել Իսրայելի պաշտպանական կարիքների ըմբռնումը՝ Իրանի կողմից ավերիչ սպառնալիքների դեմ։ Վարչապետն ասել է, որ առաջիկա օրերին կշարունակի շփվել նրանց հետ»,- ասվում է հաղորդագրությունում։
Հիշեցնենք, որ ՌԴ ԱԳՆ-ն ավելի վաղ խստորեն դատապարտել էր Իսրայելի հարձակումը։
Թարգմանությունը՝ Էմմա Չոբանյանի
