13.01.2026 | 10:16
Պետդեպարտամենտում այսօր Մարկո Ռուբիոն կընդունի Արարատ Միրզոյանին
Իսրայելի հարձակման հետևանքով զոհված բարձրաստիճան հրամանատարների փոխարեն Խամենեին նորերին է նշանակել
Քաղաքականություն
13.06.2025 | 16:30
Իրանի գերագույն հոգևոր առաջնորդ այաթոլլահ Ալի Խամենեիի հրամանով՝ բանակի նախկին հրամանատար, գեներալ-մայոր Աբդոլրահիմ Մուսավին նշանակվել է Իրանի զինված ուժերի շտաբի պետ։ Ուրբաթ առավոտյան Իսրայելի կողմից իրականացված ավիահարվածի հետևանքով, հիշեցնենք, շտաբի նախկին պետ, գեներալ-մայոր Մոհամմադ Հոսեյն Բաղերին զոհվել է, գրում է Mehr-ը։
Միաժամանակ, բրիգադի գեներալ Մոհամմադ Փակպուրը, որն ԻՀՊԿ ցամաքային զորքերի նախկին հրամանատարն էր, նշանակվել է ԻՀՊԿ-ի նոր գերագույն հրամանատար՝ իսրայելական հարձակման հետևանքով գեներալ-մայոր Հոսեյն Սալամիի զոհվելուց հետո։
Գեներալ-մայոր Ղոլամ Ալի Ռաշիդի փոխարեն էլ Խամենեին «Խաթամ ալ-Անբիա» կենտրոնական շտաբի նոր հրամանատար է նշանակել գեներալ Ալի Շադմանիին՝ նրան շնորհելով գեներալ-մայորի կոչում։
Հիշեցնենք՝ ավելի վաղ հաղորդվել էր, որ Իսրայելի հարվածների հետևանքով զոհվել է Իրանի ԶՈՒ երեք բարձրաստիճան հրամանատար, 6 միջուկային գիտնական։
Թարգմանությունը՝ Էմմա Չոբանյանի
