06.10.2026 | 23:14
Դեսպան Մկրտչյանը Վաշինգտոնում հյուրընկալել է Նոբելյան մրցանակի դափնեկիր Քայլաշ Սաթյարթիին
Իսրայելի հարվածների հետևանքով զոհվել է Իրանի ԶՈՒ երեք բարձրաստիճան հրամանատար, 6 միջուկային գիտնական
13.06.2025 | 12:32
Իրանի վրա Իսրայելի հարձակման հետևանքով իրանական Զինված ուժերի երեք բարձրաստիճան հրամանատար է զոհվել։ Այս մասին հայտնել է Իսրանելի պաշտպանության բանակը, հաստատել են նաև իրանական լրատվամիջոցները, գրում է BBC-ի ռուսական ծառայությունը։
Իրանի Իսլամական հեղափոխության պահապանների կորպուսի հրամանատար Հոսեյն Սալամիի մահվան մասին արդեն հաղորդվել է։ Հաստատվել է նաև Իրանի գլխավոր շտաբի պետ Մոհամմադ Բաղերիի և ԻՀՊԿ «Խաթամ ալ-Անբիա» օդային պաշտպանության բազայի հրամանատար Ղոլամ Ալի Ռաշիդի մահը։
Բացի այդ, Իսրայելի հարվածների հետևանքով զոհվել է Իրանի միջուկային ծրագրին մասնակցող առնվազն վեց գիտնական, հաղորդում են իրանական լրատվամիջոցները։
«Գիտնականներ Աբդոլհամիդ Մինուչեհրը, Ահմադռեզա Զոլֆաղարին, Ամիրհոսեյն Ֆեքին, Մոթալլեբլիզադեն, Մոհամմադ Մեհդի Թեհրանչին և Ֆերեյդուն Աբբասին նահատակվել են Իսրայելի հարձակման ժամանակ», հաղորդում է Tasnim լրատվական գործակալությունը։
Հիշեցնենք, որ Իսրայելի ռազմաօդային ուժերը հունիսի լույս 13-ի գիշերը հարվածել են Իրանի տարածքին, որից հետո Իսրայելը փակել է իր օդային տարածքը: Իսրայելի բանակի տվյալներով՝ հարվածները հասցվել են Իրանում միջուկային ծրագրի և այլ ռազմական օբյեկտների հետ կապված տասնյակ թիրախների։ Իսրայելական բանակը հայտնել է, որ գիշերը հարվածներ են հասցվել Իրանում ավելի քան 100 թիրախների: Գործողությանը մասնակցել է 200 կործանիչ:
Թարգմանությունը՝ Էմմա Չոբանյանի
