08.09.2026 | 13:36
ՔԿ-ն 44-օրյա պատերազմի զոհերի թիվ է հրապարակել
Հնդկաստանում օդանավ է կործանվել․ նախնական տվյալներով՝ ինքնաթիռում 242 ուղևոր է եղել․ ՏԵՍԱՆՅՈՒԹ
Քաղաքականություն
12.06.2025 | 13:39
Հնդկաստանի արևմտյան Ահմադաբադ քաղաքի օդանավակայանում ուղևորատար օդանավ է կործանվել, գրում է CNN-ը։ Դեպքի վայրից հրապարակված լուսանկարներում երևում է երկինք բարձրացող խիտ սև ծուխ։
Լոնդոն մեկնող օդանավը պատկանում է Air India ավիաընկերությանը։
«AI171 չվերթը, որը կատարում էր Ահմադաբադ-Լոնդոն չվերթը, այսօր՝ 2025 թվականի հունիսի 12-ին, միջադեպի է ենթարկվել։ Ավիաընկերությունը հավաքում է լրացուցիչ տեղեկություններ և կտրամադրի լրացուցիչ թարմացումներ»,- ասվում է ընկերության հայտարարության մեջ։
Hindustan Times-ը հաղորդում է, որ օդանավում 242 ուղևոր է եղել։ Վթարի հետևանքով զոհերի կամ վիրավորների թիվը հայտնի չէ։
Հնդկաստանի Ավիացիայի պաշտոնյաների հայտարարության համաձայն՝ օդային երթևեկության կառավարման ծառայությունը (ATC) հայտարարել է, որ Air India-ի ինքնաթիռն Ահմադաբադից մեկնել է ժամը 13:39-ին։
«Այն փոխանցել է MAYDAY ազդանշան, սակայն դրանից հետո ինքնաթիռը որևէ արձագանք չի տվել ATC-ի կապին»,- ասել են պաշտոնյաները։
Ինքնաթիռը վթարի է ենթարկվել օդանավակայանի մոտակայքում՝ թռիչքից հինգ րոպե անց։
Թարգմանությունը՝ Էմմա Չոբանյանի
