Քաղաքականություն
12.06.2025 | 13:53
ՌԴ Պաշտպանության նախարարությունը հայտարարել է, որ հունիսի լույս 12-ի գիշերը ոչնչացվել է ուկրաինական 52 անօդաչու թռչող սարք, գրում է Meduza-ն։ Ռուս զինվորականների տվյալներով՝ Բելգորոդի մարզում ոչնչացվել է 41 անօդաչու թռչող սարք, Բրյանսկի մարզում՝ 6, Մոսկվայի մարզում՝ 3, բռնակցված Ղրիմում՝ 2 անօդաչու։
Ռոսավիացիան էլ հայտնել է, որ Մոսկվայի «Վնուկովո» և «Շերեմետևո» օդանավակայանները դադարեցրել են աշխատանքը անօդաչու թռչող սարքերի հարձակումների պատճառով: Նրանք ինքնաթիռներ չեն ուղարկել և չեն ընդունել մեկ ժամից մի փոքր ավելի։ Բելգորոդի մարզի ղեկավար Վյաչեսլավ Գլադկովի խոսքով էլ՝ վերջին 24 ժամվա ընթացքում Վոլոկոնովսկի, Կրասնոյարսկի և Չեռնյանսկի շրջանների, ինչպես նաև Գուբկինսկի և Ստարի Օսկոլսկի քաղաքային շրջանների և Նովոոսկոլսկի քաղաքային շրջանի վրա անօդաչու թռչող սարքեր են խոցվել։
Գլադկովը նաև հայտնել է, որ Շեբեկինսկի մունիցիպալ շրջանում ձեռնարկության տարածքում FPV անօդաչու սարքի հարվածի հետևանքով վիրավորվել է վեց խաղաղ բնակիչ, իսկ Վոզնեսենովկա գյուղում, երբ անօդաչու սարքը հարվածել է մեքենայի, տեղի բնակիչը ծանր վիրավորվել է։
Ուկրաիայի ԶՈւ-ի ԳՇ-ն իր հերթին հայտարարել է, որ անօդաչու թռչող սարքերը հարվածել են Մոսկվայի մարզի Զուբովո բնակավայրի «Ռեզոնիտ» տեխնոլոգիական պարկին։
«Այս գործարանի արտադրանքը լայնորեն օգտագործվում է բարձր տեխնոլոգիական զենքի և սարքավորումների արտադրության մեջ»,- ասվում է հայտարարության մեջ։
Նշվում է, որ վնասի հետևանքերը ճշգրտվում են։
Թարգմանությունը՝ Էմմա Չոբանյանի
