04.08.2026 | 19:57
ԱՄՆ-ը սպառել է իր հեռահար հրթիռների պաշարներն Իրանի հետ պատերազմում․ Reuters
105 պաշտոնյայից 40-ի ընտանիքի անդամները զբաղվում են ձեռնարկատիրությամբ․ ԿԿՀ․ ՏԵՍԱՆՅՈՒԹ
Հասարակություն
12.06.2025 | 11:51
105 պաշտոնատար անձից 40-ին փոխկապակցված անձինք՝ ընտանիքի անդամները, զբաղվում են ձեռնարկատիրական գործունեությամբ։ Այս մասին ԱԺ պետաիրվական հացերի մշտական հանձնաժողովի նիստում 2024 թվականի պետական բյուջեի կատարման զեկույցի ներկայացման ժամանակ ասաց Կոռուպցիայի կանխարգելման հանձնաժողովի նախագահի պարտականությունները կատարող Մարիամ Գալստյանը։
Նրա խոսքով՝ 9 դեպքում արձանագրվել է, որ փոխկապակցված անձանց մասնակցությամբ առևտրային կազմակերպությունները մասնակցել են համայնքային գնումների գործընթացների, ընդ որում, 7 դեպքում՝ նույն այն համայնքում, որտեղ փոխկապակցված անձինք զբաղեցրել են համայնքի ղեկավարի պաշտոնը։
«Հանձնաժողովը մշտադիտարկման արդյունքում շահերի բախման իրավական կարգավորումների խախտման, մասնավորապես, շահերի բախման իրավիճակի վերաբերյալ Հանձնաժողովին գրավոր հայտարարություն չներկայացնելու հիմքով համապատասխան պաշտոնատար անձանց նկատմամբ հարուցել է 3 վարչական վարույթ, որոնց արդյունքում վերջիներիս նկատմամբ կիրառվել է վարչական տույժ: 3 դեպքերում արձանագրել է, որ համայնքի ղեկավարի պաշտոն զբաղեցնող անձինք, որպես պատվիրատուի ղեկավար, համայնքային կարիքների համար պատվիրված գնման գործընթացների արդյունքում պայմանագրեր են կնքել իրենց փոխկապակցված անձանց կամ նրանց մասնակցությամբ առևտրային կազմակերպությունների հետ»,- մանրամասնեց Գալստյանը։
Նա նաև հայտնեց, որ եղել են պաշտոնի անհամատեղելիություն դեպքեր, իրենք դիմել են իրավասու մարմննի, բայց նրանք խախտումներ չեն արձանագրել և պաշտոնյայի լիազորությունները չեն դադարեցրել, ինչը, ըստ Մարիամ Գալստյանի, մտահոգիչ է։
Մանրամասները՝ տեսանյութում։
Մանյա Պողոսյան
