23.05.2026 | 23:15
Ըմբիշ Շահեն Մարտիրոսյանը վստահ հաղթանակով դարձավ Եվրոպայի Մ-15 չեմպիոն. ՏԵՍԱՆՅՈՒԹ
Իսրայելը լիովին պատրաստ է ռազմական գործողություն իրականացնել Իրանի դեմ․ CBS
Քաղաքականություն
12.06.2025 | 10:10
ԱՄՆ պաշտոնյաները տեղեկություններ են ստացել, որոնց համաձայն Իսրայելը պատրաստ է ռազմական գործողություն իրականացնել Իրանի դեմ: Այս մասին չորեքշաբթի օրը հայտնել է ամերիկյան CBS հեռուստաալիքը:
Ըստ իր աղբյուրների՝ «ԱՄՆ պաշտոնյաներին տեղեկացվել է, որ Իսրայելը լիովին պատրաստ է գործողություն սկսել» Իրանի Իսլամական Հանրապետության դեմ: Թե որտեղից է ամերիկյան կողմը ստացել այս տեղեկատվությունը, չի նշվում:
«Միացյալ Նահանգները սպասում է, որ Իրանը կարող է պատասխան հարված հասցնել հարևան Իրաքում գտնվող որոշ ամերիկյան օբյեկտների», – նշվում է հեռուստաալիքի կայքում հրապարակված հաղորդագրության մեջ: Ըստ դրա՝ սա այն պատճառներից մեկն է, որ Պետդեպարտամենտը հրամայել է ամերիկյան դեսպանատան որոշ աշխատակիցների լքել արաբական երկիրը:
Նշվում է, որ ԱՄՆ նախագահ Դոնալդ Թրամփի հատուկ դեսպանորդ Սթիվեն Վիտկոֆը դեռևս պլանավորում է հանդիպել Իրանի ներկայացուցիչների հետ՝ Թեհրանի միջուկային դոսիեի շուրջ բանակցությունների ևս մեկ փուլ անցկացնելու համար:
Թարգմանությունը՝ Անահիտ Խաչատրյանի
