08.09.2026 | 13:18
Քոչարյանի հետ կապվող բրենդային խանութում 9,46 մլրդ դրամի թաքցված շրջանառություն է բացահայտվել․ ՊԵԿ․ ՏԵՍԱՆՅՈՒԹ
Սուրեն Պապիկյանը նվեր է ստացել Իրանի ՊՆ ղեկավար Ազիզ Նասիրզադեից
Քաղաքականություն
11.06.2025 | 20:37
ՀՀ պաշտպանության նախարար Սուրեն Պապիկյանը փայտյա մանրակերտ շրջանակով և պղնձից ձեռքով մշակած բնապատկերով «Սպահանի մանրակերտ» է նվեր ստացել Իրանի պաշտպանության նախարար Ազիզ Նասիրզադեից։ Այս մասին Factor.am-ը տեղեկանում է Սուրեն Պապիկյանի՝ Կոռուպցիայի կանխարգելման հանձնաժողով ներկայացրած հայտարարագրից։
Պապիկյանը նվերը ստացել է մայիսի 20-ին ԻԻՀ պաշտպանության նախարարի պատվիրակության՝ Հայաստան կատարած պաշտոնական այցի ժամանակ։ Նվերի արժեքը կազմել է 120 հազար դրամ։ Հանրային պաշտոն զբաղեցնող անձի նվերների հաշվառման ձևաթղթում նշվում է, որ արժեքի գնահատման համար հիմք են հանդիսացել ռազմական կցորդից բանավոր ստացված տեղեկատվությունը։
Հիշեցնենք՝ «Հանրային ծառայության մասին» օրենքում կատարված փոփոխությունների արդյունքում սահմանվել են հանրային ծառայողների կողմից նվերներ ընդունելու վերաբերյալ նոր կանոններ։ Ըստ այդ կարգավորումների՝ պետությանը կամ համայնքին են հանձնվում պետական, պաշտոնական այցերի, միջոցառումների, ինչպես նաև աշխատանքային այցերի, գործուղումների շրջանակում տրվող նվերները, եթե դրանց արժեքը գերազանցում է 60,000 ՀՀ դրամը:
Անի Թամրազյան
