13.01.2026 | 10:43
Ֆեյսբուքյան կեղծ էջերով ԱՄՆ-ում բնակվող հայերի անունից հափշտակել են մոտ 11 մլն ՀՀ դրամ․ ՔԿ
Թեհրանը խափանել է «Զանգեզուրի միջանցքի» ծրագիրը, որի նպատակն էր մասնատել ՀՀ-ն և կտրել Իրանի կապը Եվրոպայի հետ. Խամենեիի խորհրդական
Քաղաքականություն
10.06.2025 | 13:08
Իրանը խափանել է «Զանգեզուրի միջանցքի» բացումը։ Այս մասին Khamenei.ir-ին տված հարցազրույցում հայտարարել է Իրանի գերագույն հոգևոր առաջնորդ Ալի Խամենեիի խորհրդական Ալի Աքբար Վելայաթին։
Նա նշել է, որ «նայելով պատմությանը՝ կարելի է համարձակորեն ասել, որ իսլամից հետո Իրանը երբեք այսքան հզոր, անկախ և ազդեցիկ չի եղել»։ Եվ Իրանի հեղինակության նշաններից մեկը, ըստ նրա, Թեհրանի արագ և վճռական արձագանքն էր Հարավային Կովկասի ճգնաժամին։
«Երբ որոշ երկրներ փորձեցին կապ հաստատել Նախիջևանի և Ադրբեջանի միջև Հայաստանի միջոցով՝ «Զանգեզուրի միջանցք» անվան տակ, մի ծրագիր, որն իրականում նպատակ ուներ մասնատել Հայաստանը և կտրել Իրանի կապը Եվրոպայի հետ, Իրանի Իսլամական Հանրապետությունը զգոնությամբ և հեղինակությամբ ընդդիմացավ դրան և խափանեց այս դավադրությունը»,- հայտարարել է Վելայաթին։
Նա հավելել է, որ «ինչպես նշել է ԱՄՆ նախագահ Ջո Բայդենը՝ ամեն ինչ պատրաստ էր այդ միջանցքը գործարկելու համար, բայց Իրանը թույլ չի տվել, որ այն իրականացվի»։
«Այս հայտարարությունը ցույց է տալիս, որ Իսլամական Հանրապետությունը, նույնիսկ առանց Ռուսաստանի աջակցության, կարողացել է պահպանել Կովկասի անվտանգությունը իմաստուն քաղաքականության միջոցով և կանխել ՆԱՏՕ-ի ազդեցությունը տարածաշրջանում»,- նշել է Վելայաթին։
Ըստ նրա՝ «Զանգեզուրի միջանցքի» նպատակը ոչ միայն Իրանին հյուսիսային ուղղությունից կտրելն էր, այլև հարավից Ռուսաստանը շրջափակելը։
Թարգմանությունը՝ Էմմա Չոբանյանի
