16.07.2026 | 23:29
Հետաքննությունը պարզել է, որ Ալիևի թոռներն անօրինական կերպով օգտագործում են պաշտոնական լիմուզիններն և անվտանգության մեքենաները
Մտահոգված ենք կաթողիկոսի նկատմամբ իշխանության դրսևորած պահվածքով․ Մեծի Տանն Կիլիկիո Կաթողիկոսության հայտարարությունը
Քաղաքականություն
09.06.2025 | 23:00
Մեծի Տանն Կիլիկիո կաթողիկոս Արամ Ա-ի նախագահությամբ կայացել է «Կիլիկիա» վերլուծական հարթակի առցանց նիստը, որի ընթացքում «Կիլիկիա» հարթակը խոր մտահոգություն է հայտնել Հայաստանում բարձրաստիճան եկեղեցականների նկատմամբ իշխանության ներկայացուցիչների ստեղծած մթնոլորտի առնչությամբ։
«Ժողովականները խոր մտահոգություն հայտնեցին Հայաստանում բարձրաստիճան եկեղեցականների նկատմամբ պետական իշխանությունների ներկայացուցիչների կողմից բարձրացված հարցերի հետևանքով ստեղծված մթնոլորտի կապակցությամբ։ Անընդունելի համարվեց հարցերի նման ձևով բարձրացումն ու քննարկումը, որոնք չեն բերում լուծումների, այլ ստեղծում են ներհասարակական լարվածություն»,- մասնավորապես ասված է հայտարարության մեջ։
Հիշեցնենք, որ իշխանություն-եկեղեցի հակամարտությունը սկսվել էր պատերազմից հետո, երբ կաթողիկոսը միացավ Փաշինյանի հրաժարականի պահանջին։ Եկեղեցու դեմ հերթական արշավը վրդովվեցրել է ԱԺ ընդդիմադիր պատգամավորներին։
Մայիսի 30-ին ամբողջ օրվա ընթացքում վիրավորական բառերով և մեղադրանքներով վարչապետ Նիկոլ Փաշինյանը մի քանի գրառումներ էր արել ֆեյսբուքյան իր պաշտոնական էջում, որոնք այս կամ այն կերպ վերաբերում են եկեղեցուն։
Օրեր առաջ հրապարակվել էին «Կովկասյան բարոմետրի» սոցհարցման տվյալները, որոնց համաձայն՝ Հայ առաքելական եկեղեցուն վստահում է Հայաստանի բնակչության 71%-ը, մինչդեռ ՔՊ կուսակցությանը և Նիկոլ Փաշինյանին՝ ընդամենը 17%-ը։
