12.01.2026 | 23:30
Գերմանիան և Հնդկաստանն ընդլայնում են ռազմական համագործակցությունը
Այսօր Թրամփ-Նեթանյահու հեռախոսազրույց է ակնկալվում
Քաղաքականություն
09.06.2025 | 20:13
ԱՄՆ նախագահ Դոնալդ Թրամփը ծրագրում է այսօր խոսել Իսրայելի վարչապետ Բենիամին Նեթանյահուի հետ։ Այս մասին հայտնել են Սպիտակ տան երկու պաշտոնյաներ։ Ըստ Reuters-ի՝ այս հեռախոսազրույցը տեղի է ունենում այն ժամանակ, երբ Թրամփը փորձում է արագացնել Գազային օգնության ցուցաբերումը և համոզել Իրանին հրաժարվել իր միջուկային ծրագրից։
Թրամփը պարբերաբար արտահայտել է իր դժգոհությունը Նեթանյահուի նկատմամբ։ Անցյալ շաբաթ նա ասել էր, որ զգուշացրել է Նեթանյահուին չձեռնարկել գործողություններ, որոնք կարող են խաթարել Իրանի հետ միջուկային բանակցությունները։
«Ես նրան ասացի, որ դա անտեղի կլինի անել հիմա, քանի որ մենք շատ մոտ ենք լուծմանը»,- Օվալաձև աշխատասենյակում լրագրողներին ասել էր Թրամփը՝ նշելով, որ «դա կարող է փոխվել ցանկացած պահի»։
Նախատեսվում է, որ Իրանն էլ շուտով Օմանի միջոցով Միացյալ Նահանգներին կներկայացնի միջուկային համաձայնագրի հակաառաջարկը։ Երկուշաբթի այս մասին հայտարարել է Իրանի արտաքին գործերի նախարարության խոսնակ Էսմայիլ Բաղային՝ ի պատասխան ԱՄՆ-ի առաջարկի, որը Թեհրանը համարել է «անընդունելի»։
Թարգմանությունը՝ Էմմա Չոբանյանի
