17.02.2026 | 23:22
ՀՀ ԱԳ նախարարի տեղակալը Հռոմում ներկայացրել է COP17-ի Հայաստանի նախագահության առաջնահերթությունները
Հնդկաստանի ափերին Սինգապուրի դրոշով նավարկող նավում պայթյուն է տեղի ունեցել
Քաղաքականություն
09.06.2025 | 17:42
Սինգապուրի դրոշի ներքո նավարկող MV Wan Hai 503 կոնտեյներային նավը երկուշաբթի հրդեհվել է Հնդկաստանի Քերալա նահանգի Բեյփոր քաղաքի ափերից 78 ծովային մղոն հեռավորության վրա: Հնդկաստանի առափնյա պահպանության ծառայությունն ու Ռազմածովային ուժերի միջոցները գործի են դրվել նավին օգնելու համար, գրում է հնդկական First Post-ը։
Այլ աղբյուրներ հայտնում են նավի վրա տեղի ունեցած պայթյունի մասին։
Հնդկաստանի առաձնյա պահպանության ծառայությունը փրկարարական և գնահատման աշխատանքների համար օգտագործել է CG Dornier ինքնաթիռ։
Պաշտպանության նախարարության կողմից կատարված հետագա թարմացումներում նշվում է, որ փրկարարական գործողությանը մասնակցել են առափնյա պահպանության ծառայության հինգ նավեր՝ «Սաչետ», «Արնվեշ», «Սամուդրա Պրահարի», «Աբհինավ» և «Ռաջդութ»։ Միջոցների ցանկում ներառված է նաև մեկ C144 ինքնաթիռ։
MV Wan Haai 503-ի անձնակազմի 22 անդամներից 18-ը լքել են նավը և փրկվել ICG-ի և Հնդկաստանի ռազմածովային ուժերի կողմից: Հրդեհի պատճառը դեռևս անհայտ է: Տուժածների մասին առայժմ տեղեկություններ չկան:
Թարգմանությունը՝ Էմմա Չոբանյանի
