Քաղաքականություն
08.06.2025 | 15:56
Իրանի ԱԳՆ պաշտոնական ներկայացուցիչ Էսմայիլ Բաղային խստորեն դատապարտել է ԱՄՆ ֆինանսների նախարարության նոր պատժամիջոցները մի շարք իրանական և ոչ իրանական ֆիզիկական և իրավաբանական անձանց դեմ:
«Արմենպրես»-ի հաղորդմամբ՝ ինչպես փոխանցում է Mehr-ը, Էսմայիլ Բաղային հայտարարել է, որ Իրանի դեմ ԱՄՆ-ի նոր պատժամիջոցները, որոնք սահմանվել են իրանցի ժողովրդի վրա առավելագույն ճնշման անմարդկային և ձախողված քաղաքականության շրջանակներում, ոչ միայն անօրինական են, խախտում են միջազգային իրավական սկզբունքներն ու նորմերը, այլև ԱՄՆ իշխող վարչակարգի խորն ու չդադարող թշնամանքի ևս մեկ վկայություն են:
Բաղային ընդգծել է, որ, անկասկած, Իրանի Իսլամական Հանրապետության դեմ ԱՄՆ պատժամիջոցները, որոնք մշակվել և իրականացվում են Իրանի յուրաքանչյուր քաղաքացու նկատմամբ ճնշումն ուժեղացնելու, մարդու հիմնարար իրավունքներից զրկելու նպատակով, էլ ավելի կամրապնդեն Իրանի ժողովրդի վճռականությունը ՝ պաշտպանելու իրենց օրինական իրավունքներն ու շահերը:
