24.06.2026 | 15:19
Ֆրանսիայում Էբոլայով վարակման առաջին դեպքն է հաստատվել
Մատվիենկոն հայտարարել է, որ Փաշինյանի և Պուտինի միջև որևէ խնդիր չկա
Քաղաքականություն
06.06.2025 | 16:31
Ռուսաստանի նախագահ Վլադիմիր Պուտինը և Հայաստանի վարչապետ Նիկոլ Փաշինյանը կառուցողական հարաբերություններ են պահպանում, նրանց միջև որևէ խնդիր չկա։ Այս մասին հայտարարել է ՌԴ Դաշնային ժողովի Դաշնության խորհրդի նախագահ Վալենտինա Մատվիենկոն։
«Նիկոլ Փաշինյանը մեր նախագահին փոխանցեց իր ողջույնները և հատկապես ընդգծեց, որ չնայած ցանկացած ակնարկի՝ ինքը և Վլադիմիր Պուտինը միշտ ունեցել են, ունեն և շարունակում են ունենալ կառուցողական, բովանդակալից հարաբերություններ, և ինքը որևէ խնդիր չունի նախագահի հետ հարաբերություններում»,- լրագրողներին ասել է Մատվիենկոն։
Նա նաև նշել է՝ Ռուսաստանի և Հայաստանի միջև հարաբերությունները վստահության ճգնաժամ չեն ապրում։
«Գիտեք՝ կան տարածված արտահայտություններ, որ Ռուսաստանի և Հայաստանի միջև վստահության ճգնաժամ կա։ Ես նման զգացողություն չունեմ։ Ընդհակառակը, ինչպես մենք, Հայաստանը նույնպես ցույց է տվել իր հետաքրքրությունը մեր բազմակողմանի երկկողմ համագործակցության զարգացման ընդլայնման հարցում»,- ասել է Մատվիենկոն։
Նա ընդգծել է, որ «կա երկկողմ օրակարգը թարմացնելու անհրաժեշտության ըմբռնում՝ հաշվի առնելով տեղում ստեղծված նոր իրողությունները»։
Հիշեցնենք, որ պաշտոնական այցով Հայաստանում գտնվող Վալենտինա Մատվիենկոն այսօր հանդիպել է ՀՀ վարչապետ Նիկոլ Փաշինյանին ու ԱԺ նախագահ Ալեն Սիմոնյանին։
Թարգմանությունը՝ Էմմա Չոբանյանի
