22.05.2026 | 23:50
Անդրանիկ Թևանյանի նկատմամբ հարուցվել է քրեական հետապնդում պետական դավաճանության հանցակազմի հատկանիշներով
Հայաստանում սողացող հակահեղափոխության վտանգ կա. Լևոն Շիրինյան
Քաղաքականություն
11.10.2018 | 13:45
Հայաստանում սողացող հակահեղափոխության վտանգ կա: Այս մասին այսօր՝ հոկտեմբերի 11-ին, ներքաղաքական իրավիճակի և արտահերթ խորհրդարանական ընտրությունների թեմայով լրագրողների հետ հանդիպմանը նման կարծիք հայտնեց Քրիստոնեա-դեմոկրատական շարժման հիմնադիր, քաղաքագետ Լևոն Շիրինյանը:
«Հիշում եք՝ Գևորգ Կոստանյանն ասում էր՝ վերջին Հանրապետականը կլինեմ, որ կհանձնվեմ, դուրս կգամ կուսակցությունից, բայց առաջին Հանրապետականը եղավ: Եվ սա քաղաքական վարքագիծ է, անձնական դիրքորոշում է, նաև՝ արժեհամակարգ է: Չեմ կարող ասել՝ այս հանձնվողներին երաշխիքներ տվե՞լ են: Պարզ է, թե ինչ երաշխիքներ. քրեական անցյալը չփորփրել, ունեցվածքի հարցին ձեռք չտալ և այսպես լղոզելով անցկացնել: Չեմ կարող պնդել, որ այդպես է, որովհետև ես չեմ գերագույն իշխանությունը: Բայց եթե դա է, ուրեմն առաջիկայում կունենանք սողացող հակահեղափոխություն»,- նշեց Շիրինյանը:
Քաղաքագետի կարծիքով՝ հեղափոխություններն ընդհանրապես այլասերման վտանգ ունեն. «Հանրապետության վարչապետն անպայման անձնական հսկողության պիտի պահի վտանգները, որովհետև ինքը ժողովրդի կողմից լիդեր է ընտրվել»:
Լևոն Շիրինյանին ընտրական պրոցեսների հետ կապված ևս մեկ հանգամանք է մտահոգում՝ ընտրագրավը: «10 մլն դրամից ընտրագրավն իջնում է 7 մլն, գուցե՝ 5 և այլն: Պարզ է, որ շարքային, առողջ քաղաքացին, որը հեղափոխության իսկական շարժիչ ուժն էր, չի կարող այդ գումարներն ունենալ»,- հավելեց Շիրինյանը՝ առաջարկելով ընդհանրապես հանել ընտրագրավը:
Մանրամասները՝ տեսանյութում:
