12.01.2026 | 23:30
Գերմանիան և Հնդկաստանն ընդլայնում են ռազմական համագործակցությունը
Խերսոնի վրա մեկ օրվա ընթացքում ռուսական երկրորդ հարձակման հետևանքով ավերվել է տեղի վարչակազմի շենքը
Քաղաքականություն
05.06.2025 | 22:20
Ռուսական զորքերը մեկ օրվա ընթացքում երկրորդ անգամ հարված են հասցրել Խերսոնի կենտրոնին, որի արդյունքում ամբողջությամբ ավերվել է տարածաշրջանային պետական վարչակազմի շենքը։ Այս մասին հայտնել են մարզային ռազմական վարչակազմի ղեկավար Ալեքսանդր Պրոկուդինը և Ուկրաինայի պաշտպանության նախարար Ռուստեմ Ումերովը, գրում է BBC-ի ռուսական ծառայությունը։
Պրոկուդինը տելեգրամում գրել է, որ տուժածների մասին տեղեկությունները ճշտվում են։
«Ռուսաստանը հենց նոր երկրորդ հարվածն է հասցրել Խերսոնի կենտրոնին՝ ոչնչացնելով Խերսոնի տարածաշրջանային պետական վարչակազմի շենքը։ Առաջին հարձակումը, որի արդյունքում վնասվել է տարածաշրջանային պետական վարչակազմի շենքը, տեղի է ունեցել առավոտյան»,- իր հերթին հայտարարել է Ումերովը։
Նրա խոսքով՝ անցյալ գիշեր Ռուսաստանն Ուկրաինայի ուղղությամբ արձակել է, ընդհանուր առմամբ, 103 «Շահեդ» ԱԹՍ և մեկ բալիստիկ հրթիռ։
«Թիրախը խաղաղ քաղաքներն ու գյուղերն են։ Սրանք մեկական դեպքեր չեն՝ սա ամենօրյա ահաբեկչություն է։ Սա պատերազմ չէ։ Սա ուկրաինացի ժողովրդի համակարգված ոչնչացում է»,- հավելել է նախարարը՝ հիշեցնելով Չեռնիգովի մարզում տեղի ունեցած հարձակումը, որտեղ ռուսական անօդաչու թռչող սարքը սպանել է դեպքի վայր ժամանած հրշեջի ընտանիքին։
Թարգմանությունը՝ Էմմա Չոբանյանի
