22.12.2025 | 10:04
Արտարժույթների փոխարժեքները՝ դեկտեմբերի 22-ի դրությամբ
Ուկրաինայի ԶՈւ-ն հայտարարել է ՌԴ Բրյանսկի մարզում «Իսկանդեր»-ին հրթիռային հարված հասցնելու մասին
Քաղաքականություն
05.06.2025 | 21:06
Ուկրաինայի Զինված ուժերի Գլխավոր շտաբը հայտարարել է ՌԴ Բրյանսկի մարզում «Իսկանդեր» օպերատիվ-մարտավարական հրթիռային համակարգի արձակման կայանքներին հարվածներ հասցնելու մասին։
Ըստ հաղորդագրության՝ ԶՈՒ ստորաբաժանումները, Ուկրաինայի անվտանգության ծառայության հետ համատեղ, հրթիռային հարված են հասցրել ռուսական զորքերի 26-րդ հրթիռային բրիգադի ստորաբաժանման կենտրոնացման տարածքին: Այս ստորաբաժանումը Բրյանսկի մարզի Կլինցի քաղաքի տարածքից փորձել է հարվածել ուկրաինական բնակավայրերից մեկին, հավանաբար՝ Կիևին։
«Հետախուզության և Ուկրաինայի զինված ուժերի ու անվտանգության ծառայության ստորաբաժանումների համակարգված աշխատանքի շնորհիվ թիրախները հաջողությամբ խոցվել են։ Պայթել է մեկ ռուսական հրթիռային կայանք, ևս երկուսը, ամենայն հավանականությամբ, վնասվել են»,- ասվում է հայտարարության մեջ։
Նշվում է, որ ուկրաինացի պաշտպանների արդյունավետ և ժամանակին կատարված մարտական աշխատանքը հնարավորություն է տվել խուսափել քաղաքացիական բնակչության շրջանում զոհերից։
Հավելենք, որ առավոտից ի վեր տարածաշրջանի իշխանությունները երկու անգամ հրթիռային սպառնալիք էին հայտարարել Կլիմովսկի շրջանում և գործարկել նախազգուշացման համակարգ։
Թարգմանությունը՝ Էմմա Չոբանյանի
