17.07.2026 | 21:14
Արարատի համայնքի տիրապետմանն է վերադարձվել քաղաքային զբոսայգում գտնվող ևս 1 հողատարածք
Քանի դեռ վերջնական չենք հանգել խաղաղության, ձեռքսեղմում չի եղել, էսկալացիայի վտանգը կա․ Միրզոյան․ ՏԵՍԱՆՅՈՒԹ
Քաղաքականություն
05.06.2025 | 16:29
«Քանի դեռ վերջնական չենք հանգել խաղաղության, չի կնքվել խաղաղության պայմանագիրը, ձեռքսեղմում չի եղել, էսկալացիայի վտանգը կա»,- այս մասին ԱԺ համատեղ հանձնաժողովների նիստերում ԱԳՆ-ի 2024 թվականի պետական բյուջեի կատարման տարեկան հաշվետվության նախնական քննարկումների ժամանակ հայտարարեց նախարար Արարատ Միրզոյանը։
«Քանի դեռ չունենք ինստիտուցիոնալացված խաղաղություն, էսկալացիայի վտանգն անընդհատ էլ կա։ Ընդհանուր առմամբ, քանի դեռ Ադրբեջանի հետ չենք հանգել վերջնական խաղաղության, էսկալացիայի վտանգը կա»,- շեշտեց նախարարը։
Ինչ վերաբերում է ադրբեջանական զինված ուժերի կողմից Հայաստանի հետ սահմանին հրադադարի խախտումներին՝ Միրզոյանը նշեց, որ հրադադարի խախտումները հետաքննող խմբի ստեղծման մասին Բաքվին առաջարկներ են եղել, որոնք այդ երկրի կողմից շարունակում են անարձագանք մնալ։
Հիշեցնենք, որ երկու ամսից ավելի է՝ Ադրբեջանը կրակում է Սյունիքի մարզի սահմանամերձ գյուղերի ուղղությամբ, ինչի հետևանքով կան նաև վնասված տներ։
Մանրամասները՝ տեսանյութում։
Մանյա Պողոսյան
