23.05.2026 | 21:54
System of a Down-ը հուլիսին համերգ կտա Երևանում․ Փաշինյան
ԵԱՀԿ ՄԽ լուծարման ու խաղաղության պայմանագրի ստորագրման գործընթացները պետք է զուգահեռվեն․ Միրզոյան․ ՏԵՍԱՆՅՈՒԹ
Քաղաքականություն
05.06.2025 | 15:26
ԵԱՀԿ ՄԽ լուծարման ու խաղաղության պայմանագրի ստորագրման գործընթացները պետք է զուգահեռվեն, կարող ենք միաժամանակ երկու թղթի շուրջ ստորագրություն ունենալ։ Այս մասին ԱԺ համատեղ հանձնաժողովների նիստերում ԱԳՆ-ի 2024 թվականի պետական բյուջեի կատարման տարեկան հաշվետվության նախնական քննարկումների ժամանակ տեղեկացրեց ԱԳ նախարար Արարատ Միրզոյանը։
Նա հիշեցրեց, որ Հայաստանը պատրաստ է րոպե առաջ սկսել խորհրդակցություններ՝ որոշելու խաղաղության պայմանագրի ստորագրման օրն ու տեղը։ Նախարարը միևնույն ժամանակ ընդգծեց, թե խաղաղության հաստատման հարցում ադրբեջանական կողմն էլ իր դիրքորոշումն է հայտարարում։
«Կան որոշակի նախապայմաններ, թեմաներից մեկը ԵԱՀԿ Մինսկի խմբի լուծարումն է, որը մեզ համար ընդունելի է։ Իսկապես, երբ կլինի ստորագրված փաստաթուղթ, կոնֆլիկտը կավարտվի, տրամաբանորեն հարկ չի լինի ունենալ այս կոնֆլիկտին վերաբերող որևէ կառույց»,- նշեց նա։
Մանյա Պողոսյան
Ղ
