01.04.2026 | 23:17
ԵՄ առաքելության գործունեությունը կարևոր է Հայաստանի քաղաքացիների համար. ՀՀ նախագահն ընդունել է Սատու Կոյվուին
Պուտինը և Հռոմի պապը քննարկել են Ուկրաինայի իրադրությունը
Քաղաքականություն
04.06.2025 | 22:44
ՌԴ նախագահ Վլադիմիր Պուտինը Հռոմի Պապ Լևոն XIV-ի հետ հեռախոսազրույցում Ուկրաինայի իրավիճակի համատեքստում նշել է քաղաքական-դիվանագիտական ճանապարհով խաղաղության հասնելու շահագրգռվածությունը և ընդգծել, որ ճգնաժամի վերջնական և համապարփակ լուծման համար անհրաժեշտ է վերացնել դրա արմատական պատճառները: Այս մասին տեղեկացնում է Կրեմլի մամուլի ծառայությունը։
«Ուկրաինայի իրադրության շուրջ կարծիքների փոխանակման ժամանակ Վլադիմիր Պուտինը հաստատել է քաղաքական-դիվանագիտական ճանապարհով խաղաղության հասնելու շահագրգռվածությունը, ընդգծել է, որ ճգնաժամի վերջնական, արդար և համապարփակ լուծման համար անհրաժեշտ է վերացնել դրա արմատական պատճառները», – ասված է հաղորդագրության մեջ։
Ավելի վաղ տեղեկացրել էինք, որ Ռուսաստանի կողմից Ուկրաինայի դեմ 2022 թվականի փետրվարի 24-ին սկսված լայնածավալ պատերազմի մեկնարկից ի վեր զոհվել կամ վիրավորվել է շուրջ մեկ միլիոն ռուս զինվոր։ Վաշինգտոնում գտնվող Ռազմավարական և միջազգային հետազոտությունների կենտրոնի (CSIS) այս եզրակացությունը հրապարակել էր The New York Times-ը։
Այս տվյալների համաձայն՝ նույն ժամանակահատվածում Ուկրաինայի կորուստները, զոհված և վիրավոր զինվորների առումով, կազմել են 400,000 մարդ։ Այս թվերը պատերազմող կողմերի համար կազմում են, ընդհանուր առմամբ, 1,4 միլիոն մարդ։
