06.11.2026 | 23:24
Նոյեմբերի 7-ին ՊԵԿ էլեկտրոնային համակարգերը երկու ժամով անհասանելի կլինեն
Դիմակավորված անձինք երեխային առևանգել են հոր մոտից. ձերբակալվել են մայրը և նրա ներկայիս ամուսինը
04.06.2025 | 22:10
Դիմակավորված անձինք Կոմիտասի պողոտայում մոտեցել են օտարերկրյա քաղաքացուն և փախցրել նրա դստերը: Բագրատաշենի անցակետում ոստիկանները ձերբակալել են երեխայի կենսաբանական մորը, նրա ներկայիս ամուսնուն և ևս մեկ օտերարկրացու։ Այս մասին տեղեկացնում է ՆԳՆ ոստիկանությունը՝ նշելով, որ երեխան գտնվել է։
«Հունիսի 3-ին՝ ժամը 12.33-ին, Ոստիկանության օպերատիվ կառավարման կենտրոն զանգած տղամարդը հայտնում էր երեխայի առևանգման մասին. Երևանում բնակություն հաստատած օտարերկրյա քաղաքացուն Կոմիտասի պողոտայում վազելով մոտեցել էին դիմակավորված անձինք և փախցրել նրա դստերը:
Ըստ վարկածի՝ աղջնակին փախցրել էր նրա կենսաբանական մայրն իր ներկայիս ամուսնու և երկու այլ անձի հետ: Ավելին’ մայրը նույնպես Երևանում բնակություն հաստատած օտարերկրա քաղաքացի է, և կասկած կար, որ առևանգողները երեխայի հետ կհատեն պետական սահմանը»,- նշում են ոստիկանությունից:
Նշվում է, որ նույն օրը Նոյեմբերյանի բաժնի ծառայողները Բագրատաշենի սահմանային անցակետում ձերբակալել են երեխայի մորը, նրա ներկայիս ամուսնուն և ևս մի օտարերկրացու:
«Առևանգված աղջնակը նրանց հետ էր:
Բոլորն էլ տեղափոխվել են Քրեական ոստիկանության Երևան քաղաքի վարչություն։ Կազմված փաստաթղթերը ներկայացվել են Արաբկիր վարչական շրջանի քննչական բաժին: Հանգամանքները նախաքննությամբ պարզվում են»,- ասված է հաղորդագրությունում:
