05.12.2025 | 23:32
ԱԱ․ Բաչկովը հաղթել է ժամկետից շուտ, Մաշակարյանը և Հովհաննիսյանը ևս շարժվում են առաջ
Ադրբեջանը և BP-ն համաձայնագրեր են ստորագրել Արցախում արևային էլեկտրակայան կառուցելու վերաբերյալ
Քաղաքականություն
04.06.2025 | 22:59
Բրիտանական BP-ն և Ադրբեջանի կառավարությունը համաձայնագրեր են ստորագրել Լեռնային Ղարաբաղի տարածքում 240 ՄՎտ հզորությամբ արևային էլեկտրակայանի կառուցման վերաբերյալ, գրում է Reuters-ը։
Նախատեսվում է, որ կայանը կարժենա շուրջ 200 միլիոն դոլար, կառուցումը կավարտվի 2027 թվականի կեսերին։ BP-ն նախագիծը ներկայացրել է Բաքվում կայացած էներգետիկ համաժողովում:
«Այս նախագիծը ցույց է տալիս մեր հանձնառությունը՝ աջակցելու Ադրբեջանի էներգետիկ անցմանը և վերականգնվող էներգիայի զարգացմանը։ Սա կարևոր քայլ է կառավարության հետ մեր համագործակցության և մեր երկարաժամկետ գործընկերության մեջ»,- ասել է BP-ի Կասպյան տարածաշրջանի փոխնախագահ Բահտիյար Ասլանբեյլին։
Ադրբեջանն արագացնում է արևային էներգիայի անցումը՝ որպես իր էներգետիկ դիվերսիֆիկացման և բրածո վառելիքից կախվածությունը նվազեցնելու իր ավելի լայն ռազմավարության մաս։
Ադրբեջանի կառավարությունը նպատակ ունի մինչև 2030 թվականը զարգացնել 1.5 ԳՎտ արևային էներգիայի հզորություն՝ աջակցությամբ օտարերկրյա ներդրումների և պետական-մասնավոր գործընկերությունների, մասնավորապես, գրավյալ Արցախի տարածքներում։
BP-ն Ադրբեջանում գործում է երեք տասնամյակ և երկրի ամենամեծ օտարերկրյա ներդրողն է, ղեկավարում է խոշոր հետախուզական և արտադրական նախագծերի զարգացումը, այդ թվում՝ Ազերի-Չիրագ-Գյունեշլի նավթահանքերի և Շահ Դենիզի գազային հանքավայրերի, և հանդիսանում է Եվրոպա գազ տեղափոխող Հարավային գազային միջանցքի հիմնական մասնակիցը։
Թարգմանությունը՝ Էմմա Չոբանյանի
