12.01.2026 | 23:30
Գերմանիան և Հնդկաստանն ընդլայնում են ռազմական համագործակցությունը
Ադրբեջանի ՊՆ-ն հայտնել է զինվորների հետ հանդիպումների ժամանակավոր սահմանափակումների մասին՝ վարակների աճի պատճառով
Քաղաքականություն
04.06.2025 | 20:43
Ադրբեջանի ՊՆ-ն հայտարարություն է տարածել, որ երկրում անկայուն եղանակային պայմանների պատճառով սեզոնային շնչառական վիրուսային վարակների դեպքերի աճ է նկատվում: Սրա հետ կապված, նորակոչիկների առողջությունը պաշտպանելու համար, զորամասերում նրանց հետ հանդիպումների ժամանակավոր սահմանափակումներ են մտցվել:
Հաղորդվում է, որ զորամասերում փակ ռեժիմը և հանրության հետ շփման սահմանափակումները թույլ են տալիս հրամանատարական կազմին և ռազմական բժշկական անձնակազմին իրականացնել արդյունավետ կանխարգելիչ միջոցառումներ՝ զինծառայողների առողջությունը պաշտպանելու համար։
«Անձնակազմի հետ կրթական զրույցներ անցկացնելով, նրանց տեղեկացնելով ճիշտ սննդի և անձնական հիգիենայի կանոնների, առօրյա գործունեության մեջ համալիր կանխարգելիչ միջոցառումների կարևորության մասին, ապահովվում է վարակի դեպքերի կանխարգելումը։ Հաշվի առնելով շնչառական վիրուսային վարակների դեպքերի կանխարգելմանն ուղղված միջոցառումների արդյունավետությունը՝ մենք խնդրում ենք հանրությանը զգայուն լինել մեր զինծառայողների առողջության նկատմամբ, ըմբռնումով մոտենալ նշված սահմանափակմանը և չայցելել զորամասեր Կուրբան Բայրամի և հանգստյան օրերին»,- ասվում է հաղորդագրության մեջ։
Թարգմանությունը՝ Էմմա Չոբանյանի
