07.10.2026 | 09:30
ՀՀ տարածքում ավտոճանապարհներն անցանելի են
Ադրբեջանում լճերից մեկում ձկների զանգվածային անկում է գրանցվել
Քաղաքականություն
04.06.2025 | 15:08
Ադրբեջանում Ապշերոնի շրջանի Մուհամմադի գյուղի վարչական տարածքում գտնվող լճերից մեկում գրանցվել է ձկների զանգվածային անկում, հայտնում են ադրբեջանական լրատվամիջոցները։
Կադրերը տարածվել են սոցիալական ցանցերում։ Ականատեսները հայտնել են, որ այս երևույթը նկատվում է մի քանի օր։ Լիճը, որտեղ ձկները զանգվածաբար անկում են, գտնվում է «Օմար Աչիլիք» հանգստի գոտու կողքին։ Նշվում է, որ նմանատիպ միջադեպեր այս տարածքում տեղի են ունեցել նաև նախկինում։
Սոցցանցերի օգտատերերը նշում են, որ սատկած ձկները ցածր գնով վաճառքի են հանվում շուկաներում։ Տեղեկություններ են հայտնվել, որ լիճը պատկանում է բարձրաստիճան պաշտոնյաներից մեկին, սակայն նրա անունը չի հրապարակվում։
Ադրբեջանի Գյուղատնտեսության նախարարությունից էլ հայտնել են, որ Ագրարային ծառայությունների գործակալությունը, Անասնաբուժական հետազոտությունների ինստիտուտը և Սննդի անվտանգության գործակալությունը (AQTA) հետաքննում են լճում ձկների զանգվածային անկման դեպքը։ Բոլոր երեք պետական մարմինների մասնագետները զննել են տարածքը և վերցրել ջրի ու ձկան նմուշներ, որոնք ուղարկվել են լաբորատորիա, Ագրարային ծառայությունների գործակալության փորձաքննության և հավաստագրման կենտրոն, անասնաբուժական հետազոտությունների ինստիտուտ և Ադրբեջանի սննդի անվտանգության ինստիտուտ: Հետազոտության ավարտից հետո արդյունքները կներկայացվեն հանրությանը:
Թարգմանությունը՝ Էմմա Չոբանյանի
