24.06.2026 | 19:47
«Մինչև գումարի հարցը չլուծվի՝ դուրսգրում չի լինի». հայրը ահազանգում է, հիվանդանոցը՝ հերքում
«Երևանի գինու օրեր». 3 օր Կենտրոնի որոշ փողոցներ փակ կլինեն երթևեկության համար
04.06.2025 | 13:41
«Երևանի գինու օրեր» փառատոնն անցկացնելու նպատակով հունիսի 6-ին, 7-ին և 8-ին՝ ժ.16.00-22.30-ն բոլոր տեսակի մեքենաների երթևեկության համար մի շարք փողոցներ փակ կլինեն։
Քաղաքապետարանից մանրամասնում են, որ փակվելու են՝
-Սարյան-Եկմալյան փողոցների խաչմերուկից մինչև Սարյան-Պուշկինի փողոցների խաչմերուկ,
-Պուշկինի-Սարյան փողոցների խաչմերուկից դեպի Սարյան-Մոսկովյան փողոցների խաչմերուկ,
-Մոսկովյան-Թումանյան փողոցների խաչմերուկից դեպի Սպենդիարյան-Մոսկովյան փողոցների խաչմերուկ, -Սպենդիարյան-Մոսկովյան փողոցների խաչմերուկից դեպի Մոսկովյան-Զորյան փողոցների խաչմերուկ,
-Սարյան-Թումանյան փողոցների խաչմերուկից դեպի Թումանյան-Փարպեցի փողոցների խաչմերուկ ընկած հատվածները:
Հիշեցնենք, որ «Երևանի գինու օրեր» գինեգործությանը նվիրված ամենամյա միջազգային փառատոնը մեկնարկել է 2017 թվականին։ Միջոցառումը տեղի է ունենում յուրաքանչյուր տարվա հունիսի առաջին ուրբաթ, շաբաթ և կիրակի օրերին Երևանի կենտրոնական՝ Սարյան, Թումանյան և Մոսկովյան փողոցներում։ «Երևանի գինու օրեր» փառատոնն իր ձևաչափով եզակի է տարածաշրջանում։
