08.08.2026 | 11:24
Արթիկի դպրոցի հաշվապահը կատարել է առանձնապես խոշոր չափերի հափշտակություն. Հակակոռուպցիոն կոմիտե
Ողջունելի են ՀՀ-ի եվրոպական ձգտումներն ու առկա գործակցության ընդլայնումը․ նորդիկ-բալթիկ երկրների ԱԳՆ ներկայացուցիչներ
Քաղաքականություն
03.06.2025 | 15:55
ԱԺ արտաքին հարաբերությունների մշտական հանձնաժողովի նախագահ Սարգիս Խանդանյանը և Հայաստան-Լատվիա, Լիտվա, Էստոնիա բարեկամական խմբի ղեկավար Արսեն Թորոսյանը հունիսի 3-ին հանդիպել են Հյուսիսային Եվրոպա-Բալթյան երկրներ համագործակցության ձեւաչափի (Nordic-Baltic Eight) ԱԳ նախարարությունների քաղաքական տնօրենների ու Հայաստանում հավատարմագրված դեսպանների հետ․ հայտնում են ԱԳՆ-ից։
«Ողջունելով Հայաստան ժամանած հյուրերին՝ Սարգիս Խանդանյանն արժեւորել է նորդիկ-բալթիկ երկրների հետ համագործակցությունը: Նա ընդգծել է տարբեր ոլորտներում առկա ներուժի օգտագործման անհրաժեշտությունը, կարեւորել այս տարվա սկզբին այդ երկրների խորհրդարանների ղեկավարների այցը Հայաստան: Հանձնաժողովի նախագահը հյուրերի խնդրանքով անդրադարձել է ՀՀ-Եվրամիություն խորացող հարաբերություններին»,- ասված է տարածված հաղորդագրությունում։
Նշվում է, որ դիվանագիտական գերատեսչությունների ներկայացուցիչները խոսել են Հայաստանի հետ փոխգործակցության կարեւորությունից, ողջունել ՀՀ-ի եվրոպական ձգտումներն ու առկա գործակցության ընդլայնումը:
Ապա Ազգային ժողովի պատգամավորները ներկայացրել են Հայաստան-Ադրբեջան խաղաղության պայմանագրի կնքման շուրջ ընթացող բանակցությունների արդյունքները՝ նշելով, որ հայկական կողմը պատրաստ է ստորագրել այն:
Նորդիկ-բալթիկ երկրների ներկայացուցիչներն էլ նշել են, որ հետաքրքրված են տարածաշրջանում եւ, մասնավորապես, Հայաստանում տեղի ունեցող զարգացումներով ու կարեւորում են Հարավային Կովկասում երկարատեւ խաղաղության հաստատումը:
Հյուրերը Հայաստանի ժողովրդավարական բարեփոխումներին աջակցելու պատրաստակամություն են հայտնել:
