04.04.2026 | 12:43
Ավտոմեքենան դուրս է եկել ճանապարհի երթևեկելի հատվածից և գլորվել ձորը
Բերձորում տեղի է ունեցել «ԱՊՀ մշակութային մայրաքաղաք 2025» ծրագրի բացման արարողությունը․ մասնակցել է Պուտինի հատուկ ներկայացուցիչը
Քաղաքականություն
03.06.2025 | 14:51
«ԱՊՀ մշակութային մայրաքաղաք 2025» ծրագրի բացման արարողությունն է տեղի ունեցել գրավյալ Արցախի Բերձորում (Լաչին)։ Ադրբեջանական լրատվամիջոցների հաղորդմամբ՝ բացման խոսքով հանդես է եկել Ադրբեջանի մշակույթի նախարար Ադիլ Քերիմլին։
Միջոցառմանը ելույթ են ունեցել ԱՊՀ գլխավոր քարտուղարի տեղակալ Նուրլան Սեիտիմովը, ԱՊՀ հումանիտար համագործակցության միջպետական հիմնադրամի խորհրդի համանախագահ Փոլադ Բյուլբյուլօղլուն, Լաչինի շրջանում Ադրբեջանի նախագահի հատուկ ներկայացուցիչ Մասիմ Մամեդովը, ինչպես նաև ՌԴ նախագահի միջազգային մշակութային համագործակցության հարցերով հատուկ ներկայացուցիչ Միխայիլ Շվիդկոյը։
Նշվում է, որ արարողության եզրափակիչ մասում Շվիդկոյը Մասիմ Մամեդովին հանձնել է «Համագործակցության մշակութային մայրաքաղաք» վկայականը։
Հաղորդվում է, որ միջոցառմանը մասնակցում են ԱՊՀ անդամ 6 երկրներից մոտ 100 պաշտոնական ներկայացուցիչներ և հյուրեր։
Թարգմանությունը՝ Էմմա Չոբանյանի
