22.07.2026 | 10:38
Նազարբեկյան թաղամասում այրվել է խոտածածկույթ․ հրշեջ-փրկարարները կանխել են հրդեհի տարածումը
Ուղեվարձերի թերհավաքագրումները բերել են նրան, որ 45 տրոլեյբուսից 30-ը հնարավոր չի լինելու գնել
03.06.2025 | 13:25
«Թերհավաքագրումները բերել են նրան, որ 45 տրոլեյբուսից 30-ը հնարավորություն չի լինելու գնել»,- լրագրողների հետ զրույցում ասաց Երևանի քաղաքապետի մամուլի քարտուղար Հայկ Կոստանյանը՝ անդրադառնալով հասարակական տրանսպորտի ուղեվարձին։
Նրա խոսքով՝ ընդդիմիդիր գործիչների առաջնորդությամբ իրականացված ակցիաները, շատերի կողմից շարունակաբար ուղեվարձ չվճարելը բերել են նրան, որ քաղաքապետարանը խոստացած տրոլեյբուսները ձեռք բերել չի կարող։
«Փետրվար ամսից ընդդիմադիր գործընկերների ջանքերով հասարակական տրանսպորտում ստեղծվեց անհասականալի և ինչ-որ չափով նաև անկառավարելի վիճակ, որը բերեց հասցրեց մի կետի, որ արդեն ներկայիս 5 ամիսների ընթացքում Երևանի քաղաքապետարանի կողմից, այսինքն՝ «Երևանի ավտոբուս» ՓԲԸ-ի, Մետրոպոլիտենի, նաև «Էլեկտրական ավտոբուս» ՓԲԸ-ի կողմից ընդհանուր հաշվով հավաքագրվել է շուրջ 6 մլրդ 30 մլն դրամ»,- ասաց Կոստանյանը:
Նրա խոսքով՝ եթե հավաքագրումները շարունակվեն նման տեմպով, չի բացառվում, որ Երևանի քաղաքապետարանն այդ 15 տրոլեյբուսը ևս չկարողանա ձեռք բերել: Կոստանյանը նշեց՝ չվճարողների համար տուգանք սահմանելու հարցը շարունակում է մնալ քաղաքապետարանի օրակարգում, սակայն ամբողջությամբ գտնվում է ԱԺ տիրույթում։
Մանրամասները՝ տեսանյութում։
Անի Թամրազյան
