06.10.2026 | 17:14
Նովակ Ջոկովիչը տիտղոս նվաճեց մի մրցաշարում, որտեղ երբեք չի պարտվել. ՏԵՍԱՆՅՈՒԹ
Թվային պատկերով դժվար է Կենտրոնի բեռնաթափումը ներկայացնել․ Հայկ Կոստանյան․ ՏԵՍԱՆՅՈՒԹ
Տնտեսություն
03.06.2025 | 12:45
«Թվային պատկերով դժվար է Կենտրոնի բեռնաթափումը ներկայացնել, որովհետև շատ բարդ է այդ մեխանիզմը կիրառել»,- այսօրվա ճեպազրույցում ասաց Երևանի քաղաքապետի մամուլի խոսնակ Հայկ Կոստանյանը՝ անդրադառնալով «կարմիր գծեր»-ում կայանման վճարի թանկացումն անվավեր ճանաչելու դատարանի որոշումը բողոքարկելու վերաբերյալ հարցին։
«Այդ արժեքը շատ վարորդների ստիպել է, որպեսզի իրենց մեքենաները կենտրոնում հնարավորինս քիչ կայանեն և տարեկան փաթեթները ձեռք չբերեն՝ հաշվի առնելով նաև գինը։ Այդ տեսանկյունից որոշակի բեռնաթափում կա, բայց եթե մենք առաջին հայացքից նայում ենք երթևեկությանը, խցանումներին և հոսքին, մարդկանց մոտ կարող է տարակուսանք հաղորդի իմ այս հայտարարությունը»,- ասաց Կոստանյանը։
Հիշեցնենք, որ մայիսի 23-ին, Վարչական դատարանը որոշում է կայացրել անվավեր ճանաչել Երևան քաղաքի «կարմիր գծերի» համար սահմանված տեղական վճարին վերաբերող ավագանու որոշման մի շարք դրույթներ։ 2024-ի դեկտեմբերին դատարանը դարձյալ անվավեր էր ճանաչել «կարմիր գծերի» համար սահմանված տեղական վճարին վերաբերող ավագանու որոշման դրույթները: Դատարանը արձանագրել է, որ քաղաքապետարանը որևէ ձևով չի ապացուցել, որ վճարը շեշտակի թանկացրել է ծառայությունների որակը բարելավելու նպատակով, իսկ փողոցները բեռնաթափելու պատճառաբանությունն իրավաչափ չէ։ Այս երկու որոշումներն էլ քաղաքապետարանը բողոքարկել է, և վարորդները շարունակում են վճարել նույն գումարը։
Մանրամասները՝ տեսանյութում։
Անի Թամրազյան
