04.04.2026 | 12:43
Ավտոմեքենան դուրս է եկել ճանապարհի երթևեկելի հատվածից և գլորվել ձորը
Ադրբեջանում Իրանի նոր դեսպան է նշանակվել
Քաղաքականություն
03.06.2025 | 12:07
Հայտնի է դարձել Ադրբեջանում Իրանի նոր դեսպանի անունը։ Ադրբեջանական լրատվամիջոցները, վկայակոչելով իրանական աղբյուրներին, հայտնում են, որ Բաքվում Իրանի նոր դեսպան է նշանակվել Մուջթաբա Դեմիրչիլին։ Նա մինչ այդ զբաղեցրել է Իրանի ԱԳ նախարարության Եվրասիայի գծով գլխավոր տնօրենի պաշտոնը։
Նախօրեին Իրանի ԱԳՆ մամուլի խոսնակի Էսմայիլ Բաղային հայտնել էր, որ Ադրբեջանում նոր դեսպանի անունը կհայտարարվի ընթացակարգերին համապատասխան։
«Մեզ համար մեծ նշանակություն ունեն Կենտրոնական Ասիայի և Կովկասի երկրների հետ հարաբերությունները։ Ինչ վերաբերում է Ադրբեջանին, դեսպանն արդեն ընտրվել է։ Այդ անձը Եվրասիական տարածաշրջանում փորձառու և հայտնի դիվանագետ է, բայց թույլ տվեք այդ մասին տեղեկացնել վարչական ընթացակարգերի համաձայն՝ վարչական գործընթացն ավարտվելուց հետո»,- հայտարարել էր նա։
Թարգմանությունը՝ Էմմա Չոբանյանի
