23.06.2026 | 00:27
Ամենամեծ էկրանով ստադիոնը, չսպասված երկրպագուներ. ԱԱ-2026-ի Բելգիա-Իրան խաղը` Factor TV-ի աչքերով
Կառավարման մեջ կադրեր ներգրավելու հարցում կուսակցական սկզբունքն առաջնահերթ չի լինելու. Նիկոլ Փաշինյան
Քաղաքականություն
10.10.2018 | 18:50
Կառավարման մեջ կադրեր ներգրավելու հարցում կուսակցական սկզբունքն առաջնահերթ չի լինելու: Այս մասին այսօր՝ հոկտեմբերի 10-ին, Ազգային ժողովում լրագրողների հետ զրույցում ասել է ՀՀ վարչապետ Նիկոլ Փաշինյանը:
Դիտարկմանը, թե այս ընթացքում ամենաշատը քննադատվեց կադրային խնդիրը, վարչապետը պատասխանել է. «Ես ուշադիր հետևում եմ մեր հասցեին հնչող բոլոր քննադատություններին, դրանք ի գիտություն եմ ընդունում և կարևոր եմ համարում: Բայց ուզում եմ ասել՝ բացառվում է, որ որևէ մեկն ինձ ավելի կոշտ քննադատության ենթարկի, քան ես կարող եմ դա անել»:
Նիկոլ Փաշինյանը վստահեցրել է՝ բացարձակապես խնդիր չի դրված, որ Հայաստանում կառավարման մեջ պետք է ներգրավված լինեն կուսակցական կադրեր: «Ընդհակառակը, արտահերթ ընտրություններից հետո, նաև խորհրդարանական ուժերի բաշխվածությունը հաշվի առնելով, բնականաբար, կառավարման մեջ ներգրավելու հարցում կուսակցական սկզբունքն առաջնահերթ չի լինելու: Կա մեծ ներուժ և, հնարավոր է, ընտրական պրոցեսի արդյունքում ԱԺ-ից դուրս մնա այդ ներուժը»,- հավելել է վարչապետը:
