23.06.2026 | 00:27
Ամենամեծ էկրանով ստադիոնը, չսպասված երկրպագուներ. ԱԱ-2026-ի Բելգիա-Իրան խաղը` Factor TV-ի աչքերով
Պենտագոնը փակել է Կիպրոսում ավիաբազան. գրեթե չգործող բազայի համար շուրջ 80 մլն դոլար է ծախսվել
Քաղաքականություն
10.10.2018 | 19:26
ԱՄՆ Պենտագոնը փակել է Կիպրոսում իր ռազմաօդային ուժերի բազան: Ավիաբազայի աշխատակիցներին տարհանել են դեռևս անցյալ տարվա օգոստոսին, սակայն այդ մասին միայն հիմա է հայտնի դարձել. գրում է «Կոմսոմոլսկայա պրավդա»-ն:
Ռազմական օբյեկտը բացվել է 2013 թվականի աշնանը: Հատկանշական է, որ այն ստեղծվել է առանց Պետքարտուղարության և ավիացիոն խորհրդի ղեկավարության հավանության: Ամերիկացի զինվորականները նույնիսկ հարկ չեն համարել պարզաբանել բազայի ստեղծման նպատակը: Գոյության շուրջ չորս տարիների ընթացքում բազան միայն մեկ անգամ է օգտագործվել՝ Սինայի թերակղզուց տարհանման համար: Մինչդեռ այստեղ ամերիկացի զինվորականների համար տարեկան շուրջ 20 մլն դոլար է ծախսվել:
Պետքարտուղարության գլխավոր տեսչության զեկույցի համաձայն՝ ռազմաբազայի համար ծախսված միջոցները կարող էին ավելի արդյունավետ օգտագործվել: Միաժամանակ, բազայի բացման որոշումը կայացրած Պատրիկ Քենեդին ABC-ին ասել է, որ համաձայն չէ դրա անարդյունավետության մասին եզրահանգումների հետ: «Որոշումը ռացիոնալ էր: Դա նման է ապահովագրություն ստանալուն: Եթե ապահովագրություն եք գնել, բայց երբեք չեք օգտագործել այն, արդյո՞ք սխալ եք թույլ տվել»,- ասել է Քենեդին:
