16.07.2026 | 23:29
Հետաքննությունը պարզել է, որ Ալիևի թոռներն անօրինական կերպով օգտագործում են պաշտոնական լիմուզիններն և անվտանգության մեքենաները
Ուկրաինայի պատվիրակությունը Ստամբուլում ՌԴ-ի հետ բանակցություններից առաջ հանդիպել է եվրոպացի գործընկերների հետ
Քաղաքականություն
02.06.2025 | 14:28
Ստամբուլում Ուկրաինայի ԱԳ նախարարի առաջին տեղակալ Սերգեյ Կիսլիցյան և ուկրաինական պատվիրակության անդամ Ալեքսանդր Բևզը հանդիպել են Կիևի եվրոպական գործընկերների՝ Գերմանիայի, Իտալիայի և Մեծ Բրիտանիայի ներկայացուցիչների հետ։ Այս մասին X-ի իր միկրոբլոգում հայտնել է Ուկրաինայի ԱԳՆ մամուլի խոսնակ Գեորգի Տիխին։
«Կողմերը համաձայնեցրել են իրենց դիրքորոշումները Ռուսաստանի և Ուկրաինայի պատվիրակությունների միջև այսօրվա հանդիպումից առաջ։ Ուկրաինական պատվիրակության անդամները վերահաստատել են Ուկրաինայի հանձնառությունը խաղաղության ջանքերին։ Նրանք մանրամասնել են օրակարգի հարցերը, որոնց թվում են առաջնորդների հանդիպումը, համապարփակ հրադադարը և մարդասիրական վստահության ամրապնդման միջոցառումները»,- նշել է Տիխին։
Հավելենք, որ Ստամբուլում Չաղիրան պալատում այսօր նախատեսվում են ՌԴ-Ուկրաինա հերթական բանակցությունները։ Ուկրաինական պատվիրակությունը ղեկավարում է պաշտպանության նախարար Ռուստեմ Ումերովը, ռուսականը՝ ՌԴ նախագահի օգնական Վլադիմիր Մեդինսկին։
Ըստ լրատվամիջոցների տեղեկությունների՝ պատվիրակություններն արդեն ժամանել են հանդիպման վայր։
Թարգմանությունը՝ Էմմա Չոբանյանի
