14.12.2025 | 21:40
Ոստիկանությունը ձերբակալել է Բրաունի համալսարանում կրակ բացելու մեջ կասկածվողին
Սերժ Սարգսյանը խոսել է «Իսկանդերի» կիրառման մասին
Քաղաքականություն
17.07.2017 | 07:33
Անհրաժեշտության դեպքում «Իսկանդեր M» օպերատիվ-մարտավարական հրթիռային համալիրը կկիրառվի: Այս մասին «Ռ-Էվոլյուցիա» հաղորդաշարի ընթացքում հայտարարեց Հայաստանի Հանրապետության նախագահ, գերագույն գլխավոր հրամանատար Սերժ Սարգսյանը՝ պատասխանելով հարցին, թե ինչը կարող է ստիպել Հայաստանին, որ «Իսկանդեր» կիրառի:
«Զրույցը դիտում են ոչ միայն Հայաստանի Հանրապետության քաղաքացիներ: Պարտադրում եք պատասխանել հարցի, որի պատասխանն ունենալու համար բազմաթիվ հատուկ ծառայություններ հսկայական ռեսուրսներ են ծախսում, իսկ ով կարծում է, որ «Իսկանդերը» զուտ բարոյական, հոգեբանական նշանակություն ունի, նա չի էլ հասկանում՝ ինչ է «Իսկանդերը», այ երբ իմանա, կհասկանա՝ ինչպիսի կործանարար ուժ ունի այդ զենքը»,- ընդգծեց նախագահ Սերժ Սարգսյանը:
Ավելի վաղ, խոսելով «Իսկանդերի» ձեռք բերման մասին, գերագույն գլխավոր հրամանատարը շեշտել էր, որ այն հարկադրված միջոց էր` տարածաշրջանում ռազմական իրավիճակն ինչ-որ կերպ հավասարակշռելու համար:
«Կարծում եմ, որ դա հարկադրված միջոց էր` մեր տարածաշրջանում ռազմական իրավիճակն ինչ-որ կերպ հավասարակշռելու համար։ Գաղտնիք չէ, որ Ադրբեջանը վերջին մի քանի տարվա ընթացքում կանոնավոր ձեռք է բերել նորագույն սպառազինություն։ Մենք չունենք ֆինանսական այն հնարավորությունները, որոնք ունի Ադրբեջանը, բայց մենք անընդհատ փորձում ենք հավասարակշռել իրավիճակը` ձեռք բերելով հակաթույն։ Իմ կարծիքով` այս դեպքում «Իսկանդերը» հակաթույն է»,- ասել էր Սերժ Սարգսյանը։
Շողիկ Գալստյան
